[ابو ثامر]

اليوم يابخت المدام
ـــــــــــــــــــــ تامر وتطلب ماتبي
مبسوط واحوالي تمام
ـــــــــــــــــــــ جتني رسالة راتبي
مطعم وأسواق وزحام
ــــــــــــــــــــ واقدر احقّق مطلبي
خرفان واسماك وحمام
ـــــــــــــــــــ ونلعب مع اللي يلعبي
ونضحك ونتكلّم كلام
ـــــــــــــــــــ ونروح ابوظبي ودبي
ونفلّ ابوها ياسلام
ــــــــــــــــــ من قدّناونزور ابي
واقول يابنت الكرام
ــــــــــــــــــ هاتي الدفاتر واكتبي
ولاتنسي شموع الغرام
ـــــــــــــــــــ هيّا تمني واطلبي
وامشي كما يمشي العظام
ـــــــــــــــــــ وانفش على الناس شنبي
وااعيش دور الانتقام
ــــــــــــــــــ من فقري ومن كوكبي
اسبوع واصحا من المنام
ــــــــــــــــــ أبكي واحسّ انّ غبي
واشعر بحسرهـ وانهزام
ـــــــــــــــــــ يعني شربته مقلبي
ونرجع على همّ وخصام
ـــــــــــــــــــــ من بعد هزّ المنكبي
وارجع افكّر باهتمام
ــــــــــــــــــــ في مأكلي وفي مشربي
صحيح من حقّ المدام
ـــــــــــــــــــــ تفرح بليلية راتبي

,,,,,,,,,,,,,,,,,,,,,,,,,,,,,,,,,,,,,,,,,,,,,,
25/11/1432 هــ يوم الراتب
سعد سالم العدواني / جدة