غاب والد الجميع وروح المنتدى نتمنى عودته قريباً افتقد الى ردوده الرائعة [ جزاك الله خير ابوعائض ][ شكراً أبني الغالي ][ سلمت أبو عائض كل مواضيعك روعة في روعة سلمت ]
[[وين انت ياللي تشرح الصدر وين انت ضاقت بي الدنيا ودارك بعيده]]
أهداء الى الفقير الى ربه -أبوعبدالله-بعنوان[وين أنت يا غيثٍ من الكلمات صبَّـاب]
يا ساكن الهوجاس ممسـاك ما طـاب
راحـت مجاهيـم وجتنـا مغاتيـر
لا والله الا ضامنا بعـد الاحبـاب
والشوق ظالـم لا تعـدى المحاذيـر
أحبابنا اللي عقبهم كننـا أجنـاب
لو ما جفتنـا الـدَّار دار المناعـيـر
ليت الغياب ما كتب يوم في كتـاب
من غبت يا جبر القلـوب المكاسيـر
كل ما ذكرته قمت للوصل طـلاَّب
وقلت القطاعة في هل الرحم تقصير
وين أنت يا غيثٍ من الكلمات صبَّـاب
كلماتك أفضل مـن سحـابٍ مزابيـر
وين أنت ياللي مجمع الاحباب
ايضا وبك لطفٍ وحكمـة وتقديـر
قالوا مريض وقلت لشفاي لاطـاب
وقالوا بعيد وقلـت حنَّـا المعاتيـر
والله لو تطوى له بحـور وهضـاب
ما هو جزا له مير للشـوق تصبيـر
أنا أشهد إن الحب تكتب له أسباب
وما كل قاعٍ فيـه تنبـت نواويـر
يا شيخنا تكفيك لو ضحكة النـاب
وشلون وانتَ ما تحسـب المخاسيـر
حنَّا مثل غرسٍ سقي ديـن وآداب
كبيرنا في السن نحسب له حسـاب
وكنَّه مع اللي سابقٍ سنَّـه صغيـر