[عبدالمجيد الزهراني]

[frame="1 80"]اهداء:
الى الاخ الاكبر والصديق والنسيب العزيز , العقيد خضران محمد مفرح ال غرسان . بطاقة وفاء ومحبة .[/frame]

من قال برج الفيصليّة هو البرج
______________

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماني ك بوش الابّ شهرة ولا جورج=لو شهرة اشعاري قصصها عجيبة
يكفيني اكتب شعر معزوفة الاورج=مابين ضحكات الزمان ونحيبة
شعري شعر ماهو شعر هرج في هرج=والدهر يشرب منه كاسة حليبه
لو طلّع الشعّار من رووسهم برج=مايرسموا لو نصف لوحة مغيبه
شعري بذهن الناس ماهو في الدرج=لاطار غصن الشعر من عندليبه
لو سال حزنه من حنيفة الى ترج=تسمع دبيب النمل يبكي دبيبه
فالصبح يحمل نعش عصفوره الحرج=وف الليل حزنه ذيب يقنب قنيبه
بغير ربّه لا بيأمل ولايرج=وإسوارة الحظ الردي من نصيبه
مالي ومال الانفس العور والعًرج=ياجعلهم في ستميّة مصيبة
بأرمي سلامي للذي يسكن الخرج=اللي بجسم الطيب يرتشّ طيبه
يشمّ من عرّج على سيرته عرج=ريحانة الغرسان في وسط جيبه
ثقيل ماهو من هل الهرج والمرج=ونظرته ماهي بنظرة قريبة
هو تربة المحصول مو حملة الخُرج=لاصابت اسواق الرجاجيل خيبه
من قال برج الفيصلية هو البرج=واهله بنوا للناس برجين طيبة
حياء وجهه يكره الموقف الحرج=كنّ التأدب حالفٍ مايسيبه
أصخب من الرعّاد فوق اخضر المُرج=قلبه يصبّ الما وروحه صبيبة
لاصار كُُدش الاحصنة مالها سرج=فخيل خضران السبوق النجيبة
الفخر بيده مادرج للفخر درج=جدّه مفرّح والصعيدي نسيبه[/poem]