[جمعان مفرح (ابو طلال)]

سالم ولا بنادم وحياك الله وحيا علومك الديرة واحدة والاعلام واحدة ولا عليك يابو زيد شي بخافي ماعندكم عندنا وزي مايقول صاحب المثل لاتبكي لي واشكي لك جدة زي الديرة بين كل حفرة وحفرة مطب والبيارات طافحة في الشوارع والبلدية شغلها الشاغل جزاءات فمرة ألقى عند الحارس ورقة غرامة بسبب طفح البيارة أكرمك الله والمشاهدين ومرة ألقى غرامة بسبب تبذير الماء عندما يجدون الحارس يسقي الزرع أو يغسل السيارات وهذه شغلتهم الوحيدة هم ومصلحة المياه والطرق وأغلب الشوارع مغلقة بسب تأخر تنفيذ الكباري والمشاريع .من ناحية الأرض غبره وعند الله الشبرة . الجو معتدل عندنا هذه الأيام لاحر ولا برد والنامس آبشرك الله حامينا منه البلدية تفرغت لرشه يحطون فنجالين مبيد على برميلين ماء ويرشون الشوارع ويقولون صرفنا كذا وكذا والباقي في الجيب وماني معلمنك . الحلال زي ما شفت وريت والغنم احتمت رقابها بالغلا الطلي الذي دمه مايصل اذنه ب1300وافرع فيها إلى 1500ولكن يمدحون أبو جناحين (الدجاج)الله يديمه والا باعلمك ولا تعلم أحد وخلها بيني وبينك عليك وعلى الدقل والكيلو ب25ريال وإذا جيت تطبخه صك لك بفنجال بهارات مع الكشنه وحط اللحم معها وحركه حتى تروح زخة اللحم وعشرين كيلو ب450 ريال ولا من شاف ولا من دري المصارية ما ياخذون الا منه واهم بيتفقعون مثل الجمال وانحن ننشبها نقول ماناكل الا حريات أما باقي السلع ففي أقرب سوبر ماركت وابشرك ان لكل واحد منهم سعر ويلعبون على كيفهم وإذا قلت باروح اشتكيكم على وزارة التجارة رد الهندي (مافي مشكل روخ) والمصيبة يابو عبدالعزيز إن عندهم زي المزيل وهذا ما أكتشفته يزيلون به تاريخ الصلاحية المنتهي وعندهم مكينة زي الختم يطبعون بها التاريخ الجديد وهذا ما أخبرني به أحد حراس العمائر حيث قال له صديق يعمل في بقاله وأخبره بذلك .ولا غرابة في ذلك إذا زوروا الإقامات والفلوس فلن يصعب عليهم تعديل تواريخ المعلبات وغيرها من ناحية السيارات يابوعبدالعزيز ما عاد تقارب اصغر سيارة فل كامل حتى لو كانت صناعة كورية ب100000ألف ريال من ناحية الناس ألله ابتلاهم بالديون والسبب البنوك ما يخلص قرض إلين ينتزي الواحد في قرض والبنوك تستغل حاجة المواطنين وهاتك ياصلخ ورسائل الجوال ماتنقطع يتنافسون في دعوة المواطنين من ناحية الاتصالات فابشرك إني سددت جوالاتي وجوالات الأولاد وتلفونات البيوت من جدة إلى الديرة بما يقارب الثلاثة الاف ريال وبعد أسبوع جاني رسالة عزيزي العميل نود تذكيركم بأن المستحق على جوالكم هو ............يعني ما سددت .وأابشرك ان اقل شي في جده وأقل سعر النسوان المهر 30000ريال يعني تقدر تتنقى لك ثلاث من النسوان وعلى أرقى مستوى إذا بتتزوج بقيمة كورلا والا صني وإذا كانت راجع فالمهر 15000ألف ريال وإذا كنت ناوي الزواج تعال وابشر بسعدك والقرى 2طليان فقط والعملية ماتكلف كلها40000يعني سعر دباب سزوكي باقي الاعلام ماجانا منا والا منا الا الستر هذا مانرد به في علومك وزايدها بقاك
وسامحوووووووووووووونا