[بنت بني بشير]

مسرحيه صارت الدنيا بعيوني
وانت اجدر من لعب دور البطوله
يا ملاك الحب..عفواً..يا جنوني
لو سمحت بخاطري شي بقوله
بسألك وش لون خابت بك ظنوني؟
وكيف هانت عشرتي معك بسهوله؟
وليه كنت توصف حالك بدوني
مثل وادي ينتظر تجري سيوله
هو غبا مني تسيرني شجوني
او غبا اتبع خفوقي في ميوله
او غبا صديت عن ناس نهوني
ثم ظربت الكون في عرضه وطوله
وانصحوني..وانصحوني..وانصحوني..
لا تجي خطوات رجلينك عجوله
وكنت اكابر واحلف انك ما تخون
لين جتني طعنتك في صدر يوله
فعلتك تمحى ويبقى يا فتوني
شي واحد وان سمحت لي بقوله
انت اعلم من اكون..ومن تكون
والجبل..ما هزته ريحٍ خجوله..