[نسيم السروات]

اقتباس: المشاركة الأصلية كتبت بواسطة sam      شوفي وانا عمك أنا هبطت سوق الرومي وأستعرت حمار عميه عطيه قلت بشتري لي شوية مقاضي وحنى للمعزبة عندي واحدة عفريته كل اسبوع وهي تتحنى لمناسبة ومن غير مناسبة مدري وشمعها أظن في دقنها خبر ,,,وشريت لها قلادة ظفار إذا تزاعلنا سحبتها منها وإذا أرضتنيه أعطيتها أياها ونحن على تياعك المهرة . المهم يوم هبطت السوق كان معي ولدي المفروح مامعه من عقله نتفه ,, كان معنا ماطور حق ماء تونا اشترينا أبليس من السوق ودنا نسقي الساقية بدل الغروب ذبحتنا هي والثيران ,, قلنا بنبدلها بالماطور لكن الولد الله يخره راح شغل الماطور وهو على ظهر الحمار قلت ليش؟ قال المح نبغي نفحصه نشوف شغال ولا لا ماهلا شغله وينقز حمار الشيطان والنجدة وراه والولد وراه وقف يا حمار عمي عطية ,, ابا يوقف وتصدقين وين وقف شرب من السد ذاك في بيده واندر مع خواته اسفل الوادي وماطورنا فوق ظهره شغال والله مازدنا رجعنا إلا على ارجولنا وقلنا بنعلن عنه في الجريدة ونكتب أوصافة وسنه ولونه والماطور إللي على ظهره لأنهم علمونا أهل ذيك الديرة أنهم شافوه وأظنه راح تربة البقوم الله لا يرده وهم خرعوا منه يحسبون دركتل شغال بدون سواق . دمتي يا كهلتنا العظيمة وأنتي عظيمة في كل شيء حفظك الله ورعاك .

ههههههههههههههههههههههههههههههه

حسبي الله ونعم الوكيل تشلح بطني من الضحك من حمار عمي عطية وسالفة حمار عمي عطية صارت مشهورة

على مستوى بلاد زهران .

تذكرت تذكرت ياعم سام في سنة من السنين كنا يا أهل بيدة عند بلادنا اللي يجني رمانن واللي يجني خوخ في عقلته

واللي يسوق واللي يحول وشوية الرحمن وأنا نسمع لنا بحنمة ماطور تمشي طول الجراء وبدينا كلنا من فوق العرق

نشوف وشنهي تيه الصابة تمشي طول الجهراء ويوم بدينا وإلا ذا الحمارالبلية مديحن مع الوادي يركض بكل

قوته والماطور فوق ظهره يشتغل وجفلت منه غنماننا وحميرنا وكل حلالنا خرعة منه وراحوا الجماعة بغوا يوقفون

ذاك الحمار ويتبصرون فيه ولكن عشرة مايحقونه أفلح معشوقة في خاطر الحمار أنه إذا سعى جهدا أنه يتخلص من

الماطور اللي يشتغل فوق ظهره وأعطاها الطريق ما وقف إلا في تربات على قولك ياعم سمام .

والشرهة ماهي على الحمار ضعيفن الشرهه على ولدك الفاغر كيف يغدي يشغل الماطور فوق ظهر الحمار افلج كل

القرى اللي مر عليها يحلفون ويقسمون واللاتهم واللاتهم أن شئ كهلة مر من عندها الحمار بماطورة فوق ظهره وهي

معدية الكهلة من الجهراء ضعيفه ومن خرعتها تشعبكت في حيدن ثمه جنب الوادي ويبست مكانها مازادوا أستندروا الكهلة

إلا بالمعتلة لصقت جنب الصفا من الخرعة الله لايعيدك ياحمار عطية المنكوب .