[أم وجد]

الشاعر سعيد بن مانع القحطاني

العين صارت بالدموع تلالـي
لين استوت من تحتها ماريّـه
والبال مشغولٍ وزاد إشغالـي
سارح ولكن به عرب حوليّه
والحزن اعده صاحبٍ وموالي
ماقد تركني في عشي واضحيّه
والضيق يحداني على موالـي
والشعر تخفيفٍ من اللي فيّـه
قولوا لمن هو قاطعٍ ميصالـي
من حث خطوه ماهي ابمحسيّه
فجأه بـلا علـمٍ ولا مرسالـي
شوفته
صارت عندنـا ملغيّـه
ميسم فراقه أحتمر .. عزاّ لي
وألحقني الكيه عقـاب الكيّـه

لو أني أعرف ديرته أشوى لي

مير المصيبه ديرتـه مخفيّـه

وباحت خوافي الخافق المتعالـي

حاول يخلّـي ضيمتـه سريّـه

بس البلا عيني تبيّـن حالـي

والضحكه اللي ماهي بصدقيّه
ياصاحبـي يالعاقـد الحلاّلـي
إفهم كلامي وإصتصغه شويّـه
الحب ؟ (بنٍ) والقلوب (إدلالي)
والوصل (جمره) نارها مصليّه
لاصارت الدله بجال الصالـي؟
البن فاحـت ريحتـه فوريّـه
ودلتك يرقب صبهـا فنجالـي
ياحي بنّـك لا سكـب ياحيّـه
عيني تخايل رجعتـك يالغالـي
تبغاك ترجع تمسـح الماريّـه

[flash=http://www.7ozn.com/files39/20_11_2011_be1713217439071.swf]WIDTH=1 HEIGHT=1[/flash]