[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليل ياليل همي زاد غربالي=عذب فوادي وكوني ضيق ارحابه
ماغير اهوجس بشوف المر والحالي=شين بلابي يزيد وشي نسلابه
اخاف ياجي مماتي مبتلي بالي=وانا على حالتي والموت ماهابه
انته تناضر وكنك بالعنا سالي=وحسين من جور مابه يفتل اشنابه
متى على الله نشوف اللي على بالي=وامتع العين في شوفته واهنابه
الصاحب اللي من اوصافه بلي حالي=لا واعذابي وياحزني من اغيابه
ليته يشوف الذي بسبايبه جالي=والله ماعد يخلي جرح بسبابه
ابدع بيوتي وغني منه موالي=والطرف عيت تلامس بعده اهدابه
اتخيله كل حزه واقف اقبالي=شين يوديه لعيوني وشي جابه
اقول يالغاليه واتقول ياغالي=ماواحدن وقتها مالخلق نبلابه
مابينا خافيه في كل الاحوالي=للحلو والمر ماعشناه شرابه
لطيبه نشتري بالروح والمالي=والا الرديه لها الاثنين حرابه
متشاركين المحبه والغلا والي=والضيق ماهو لنا والا من اصحابه
ياليل طال الذي من قبل ماطالي=تكفى تشوف الذي طيرك بمخلابه
ارحم محبن صلاه من الوله صالي=قرب له احبابه او قربه لحبابه
لتقول مايشتكي مالوقت رجالي=هذا انا والذي قبلي شكا مابه
والا الذي مادرى به عايشن خالي=مامعه عقلن يثير القلب واعصابه[/poem]