هذا ردي عليك يا أبا ثامر
قولوا ماشاء الله على الدخل السعودي وامسكوا الخشب
اكثر مـن اثنيـن مليـار ابسـط ايراداتنـا اليوميـة
فـي ثلاثميـه وستيـن اكثـر اكثـر مـن سبعميـه
كـل عـام يعلنـون اربعميـه ملـيـار ميزانـيـة
وثلاثميـه وعشريـن الله اعـلـم فـيـن دربـهـا
والرشـاوي والعقـود الزايفـه ومقـاولات الباطـل
اللـي تكلفتـه ريـال يسجلـونه ميتـيـن اريــال
كان يسرقنا الاجانـب فـي زمـان المـد الاجنبـي
واللصوصيه طردنـا الأجنبـي عنهـا وسعودناهـا
والقصيبـي مامعـه حجـه يجـي ويحجنـا بـهـا
ياطويل العمـر لـو تسمـح لي آعـدل شعـار الدولـه
وارسمه واصـوره بالواقـع اللـي يقتضيـه الحـال
كان تحت السيف والنخله كتبـت الدولـه المنهوبـه
وكتبت اسرق ترى ماتفـرق اسفـل كلمـه التوحيـد
اللي يعمل في قطـاع الدولـه اول مايوسـع جيبـه
واللي ياكلها بدمهـا ثوبـه الرسمـي بـدون جيـب
اسـرق اسـرق لاتوفرمـن يوفـرها سرقهـا غيـره
مـادام الدنيـا فـرص كلـن يوريـنـا شطـارتـه