لون السياره بنفس لون الفستان ............؟
كانت رحلتي هذا الاسبوع للرياض مختلفه جدا ليست كباقي الاسابيع ......
الساعة الرابعه صباحا وكأننا في صالة فرح لسنا في طائرة بصراحة كنت زي الاطرش في الزفه على مايقولون مادري وش الموضوع " يالله صباح خير " ماكان لنا داعي ثله من الرجال الرحل الباحثين عن لملمة اوراق عملهم الاسبوعية بالرياض
وضع الطائرة مريب 80% كانت الطائرة محجوزة لأكثر من عائله حضرورا مناسبة في جده على ما اعتقد ؟ اخضر احمر ازرق عد واغلط من صالة الفرح على الطائرة ....... وقلت في نفسي يمكن هذي تقليعة جديده يمكن الزواج في الطائرة ؟
لا اطيل ................. لقافة مني كان يجلس في الكرسي الخلفي صديقتين يتبادلن الحديث عن من يوصلهن من المطار الى منزلهن ......... وفي سياق حديثها قالت لو سمحولنا بسياقة السياره وكانت سيارتي في مواقف المطار كان ولا احسن ؟ وطال الحديث عن نوع السياره وشكلها ولونها .
وصلنا بحمد الله المطار واستقليت سيارتي وسلام ياطريق الملك فهد كانت الساعة 6:20 دقيقة يالله وش هذي الزحمة ؟؟؟؟؟؟؟؟؟؟؟؟؟؟؟؟ اخوكم فاضي والطريق واقف وجلست افكر في كلام الصديقتين لو سمحوا للحريم بسياقة السيارات ، هذي لابسه احمر وسيارتها حمراء وثانية هلالية والاخرى وكحلي وليلكي ........الخ لون السياره على نفس لون الفستان وش الطرق الي بتكفينا سلمولي على الدوام .
ودعوة ربي مايسمحون للحريم بسياقة السيارات ، الا بعد ما ينقلون صالات الافراح الى الثمامة ويعملون طريق خاص بالحريم كأقل تقدير .
|