[علي المفضّلي]

[align=center]بسم الله الرحمن الرحيم


رثاء في والدتي رحمها الله وأسكنها فسيح جناته

واغبن روحي ويا حسرة حياتي وعمري
على الذي في نهار(ن) راح عنا وودّع
وانحن على فرقته ما بين هايم ومحزون
جاه القضى بغتة(ن) وعلى فراشه بدر به
واصبح صريع(ن) على جنبه ويمناه تحته
جينا نشيله وجار الحمل و اثقل علينا
رحنا نوديه للمشفى يشوفون وش به
قالوا ترونه توفي ساعة الفجر يطلع
رحنا وكل(ن) يكفكف دمعته فوق خده
قمنا نصلي وندعي الله يغفر ويرحم
شلناه نعش(ن) وحطيناه في القبر وحده
وامسى لحاله وحنّا ما قدرنا فراقه
والناس جايت تعزينا على من فقدناه
سبحان ربي يغير حال خلقه وقادر
قبل امس هنوا لنا واليوم جونا يعزون
لكنّ هذا القدر والموت لازم ومحتوم
مرحوم يا من عمر بيته وبالدين صانه
مجار ما جا منه شينه ولا جا رديّه
يالله يا رب تغفر له وترحمه يا رب
وادخله جناتك الخضرا ووسع بداره

..

[/align]