[حكــ حنين ــآية]

اقتباس: المشاركة الأصلية كتبت بواسطة نسيم السروات      فدييييييييييييت البدية يايناه ومنهي بديته ياحكاية وش دراك أني من البارح وأنا أدورعليك جيت يايخته ودخلت ملفك ومدري يايخته وش تاك الدلائل معك ماقدرت اسرب لك رسالة ملفك كله مزربن بزربن مدري منين أجي له وأني عودت خائبه الرجاء ماقدر أسوي شئ . والله تطورتي ياحكاية تقنين خبزتك فوق البرندة ياتعني معي برندة وأنا مامعي غير ذاك الرعش كله ترابن باقي نعمر لنا بيتنا مسلحن ونسوي لنا برندة كماكم تحسبين مهلا أنتي ولدي مفرح أبشرك توظف وبنولف رواتبه ونصرها لين تكثر ونسوي لنا بيتن مسلحن أحسن من بيتيك وباخليه يسوي لنا برندة من شاما وبرندة من يمنا ويسوي دكة بحري البيت بقوف يتهرجون فوقها القحمان عصرا عصرا ، هشورالك . هيا أني بغدي أفلح أسمع قحمك يتنحنح يبغاني أذلف تبايتين على خير فديتك .

هههههههههههههههههههههههه الله يسعدك ...

يايخته اعذرينه دخيلك معيه سفانون الله يهديهم ويصلحهم مقدر اخليه طارفون لهم يحوسونه ويقلبونه عليه عود الشيبه ضاق وحلف انك لما زربتي عليه من السفان اني لاطلقك بالثلاث ها اش اسوي يانسيم عودنا نزرب عليه المشكا على الله وانا اختك

والله يايخته اني يوم جيت اتفقد ملفيه وشفتوك فيه انيه يافرحتيه فرحت جهدا قلت تيه نسيم ماغيرها ياربيه يسعدها ويحييها



ايوه ايوه الشيبه مريضون الشيطان تالايام من تالقره معة سعله جيره وصدره يلجعه مهلا اتفقده وهو راقدون لايزيد يطفس عليه

الا صدقون مفرح توظف يانا فداه بسم الله عليه امحي يختي امحي مسرعنا في تالدنياااااااا عهديه به وانا اربته معك جوف الجناب وانتي متحزمه بذاك الحزام تتصرمين القراص والصقله تيك الايام يوم ضلا المطر مدهربون طول الوديان والركايب
حيكيه كبربسم الله عليه وتوظف هاللله يوفقه ويفرحك بسفانه

هاسلميليه عليه كثير السلام وقولي خالتك حكايه تبارك لك وتدعي لك

وانكان نقلتي بيتك الجديد بنجي نلعب عندك

وانتي من اهله يخته ان شاء الله ازيد اتسوى لي قراصون وفوقه دغابيس حنطه واجي عندك اتقهوى ونتهرج على سعه ..