[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سويت لي دله مع براد=ونسيت برادي من الدله
دله هواها يقرب الاجواد=يشفي العماس ويطرد العله
من طيبها تشرب لها الاولاد=اللي بلا مذهب ولا مله
ولا ذكرته غير من عواد=يقول برادك طفى المله
فزيت فزة موتر الكداد=لا شاف له ركاب مع تله
وزفرت زفره كنها الرعاد=بسحايبن بالخير منهله
لحقت برادي ولابه عاد=غير الحثل ناشف ومبثله
بغيت اسوي واحدن بجداد=وقال يكفي طالبك خله
تعال انا لك يارجل نشاد=قلبك وفكرك من هو اشتله
قلت الهوى قال الهوى مافاد=مجنون ليلا مات من خله
قلت الغلا ياصاحبي حداد=يقود واللي قاد مامله
في كل لحضه داخلي يزداد=صاحبك والله مالكه كله
اثار عقلي من ضما الاكباد=من الغلا والحب محتله
صدفه تقابلنا بلا ميعاد=في حلة مامثلها حله
ثم ابتدينا والله اللي راد=يقرب لنا حتين ناصله[/poem]