[عبدالمجيد العدواني]

سحاب

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سحـــــاب ياللي موجّهـك الهوى للجنـوب=خذنـــي معــــك في طريقيـــك لا تعداني
وان شفت شمرخ تمهل واستعد للصبوب=وارعـــد علـــى ديــــرة اجدادي وخلاني
بـــاهلّ مثـل المطر من شوق والا باذوب=لعــيـــون ذيـــك الديـــار اللي تمنـــــاني
ما شفتــهـا والشفق بيموت وقت الغـروب=كنـــــــه حبيبٍ يغـــار يحبهــــا ثـــــاني
وما شفت ذيك المجالس والحطب والشبوب=يسمع تراحيـــب اهلــهـــا قــاصي وداني
وما شفت ذيـك الحصون تقول شيخٍ نصـوب=منصبــيــنه عــلــى الــديــره وللعـــــاني
وما شفت ذيك البيوت الشامخه كالنصوب=كنـهـــا تقول الزمن يبطي مـــا يمحـــاني
ومـا شفت ذيك المجره والرشـا والغروب=والـــبـيــر والســـانيـه وجنــــــاية الجاني
تـــاريخ نـقراه بنحوت الحجــر والدروب=فــي كــل لمحـــه حكـــايــة شيخ زهراني
تـــاريخ بيـــن القبـــايــل سجـلته الحروب=للـيــوم الاتــراك تـــذكر فــعــــل جــداني
زهــران عــز السعوديه وعز الجـنــــوب=من اخـرتهـــــــا إلــى أول بيـــت عـدواني
هذي ديــــاري وربعـــي طيـــبين القــلوب=سحــــاب لا تلوم قلـبـي يــوم يحـــدانــــي
رح ويــن مـــا وجّهتك العاصفه والهبــوب=وأن جيــــت للديرة أرعـــد بس وتلقـــاني[/poem]

عبدالمجيد العدواني