[عساف]

باحت الهروج
وخاطري ماشي هيلة ... مدري وش تراده يا ناس
اما الضحك و العجب فياسلام سلم

بعض القحمان هنيه و بنات الأجاويد بحكم اعمارهم و تمكنهم من هروج الديرة

شيء عااادي بالنسبة لي و اقول ما شاء الله عندهم حناقيف و أهل حكمة

ولكن اللي فك رأسي كلمة عجارين اللي جابتها ربوة الكهيل البزقة شتات كيف تسلطت عليها

واحدة من اثنتين يا هي كهلة من عهد الدولة العثمانية ... بس كيف تعرف لـ شيطان الحدة ( الكمبيوتر)

أو ان معها كهلة من جهتنا تسقّيِها وكهلة ماهي حي الله .... ما شاء الله لا قوة إلا بالله

القحم يحيى

حلوووة جهدا واقديت في بنات فاطمة ( لو معهن فرق ملح كان سفينه ) الفرق اعتقد 12 مد ( وإذا غلط عدلوني )

انت شفت كيف انفلتنه في الخريط حقهن ... ودلة تروح ودلة تاجي وشي شويطة وزيارة اجناب .

الحقحق الصداح

ان كان انته اللي في باللي غرب الله عليك و ش هذا الأدب والمزا فيك

لا ويتشفق في رده يعني أني غشيم(ن)

اسمع بعطيك وكالة في مقارشة القحم يحيى امحمد والقحم فيصل فيصلي ( أحبابي ) ... تكفى ابغاك تأخذ بهم ورده وصدره في ربعة المنتدى حتى يقولون قيق ترى صدورهم وساع و امون عليهم وسالفة الرجّال بعض البر عقاقة وانا ابوك ههههه

معي كلمة فوق لسانيه ودي اقولها

نسيم أنتي أهذر من سبع كهيل و لا أدري وش نهايتك بعد التقاعد مكتب دعااوي وطلبات وغلبات
ومطالبة بحقوق الكهيل ههههه
وإلا مجلس نسوي لعمل الأكلات الشعبية و اصلاح ذات البين

اتكلم و الله من جديه .... الله يوفقك