المشاركة الأصلية كتبت بواسطة نسيم السروات
فديت من بدى كلكم ياحبانية الأول والتالي . أعذرونية توخرت عليكم شوية أني ديحت عند أهليه البارح عندهم صدة صدة صدة تهول جاء جمائلن وضيعه هيله والعروس حبابة بتنفع زينن ونعمه عليها مان الله في تاك الخلقة زين الله . مع أن خطيبها ما مدحوه عز الله يقولون أنه سعسوعن ويشرب التنباك جوف السندان وأبوه ماهلا يعيره يامخاطان يامخاطان يكوه عليه وعلى بوه من سدة راعي التنباك . وجابو ثنتين من الشاعرات قصائدهن تبله ودي أعلمكم بالقصائد مير نسيتها . كني تذكرت واحدة تقول فيها : يامرحبا ياغلائم يوم جيتنه **** ون ماوسع بيتنا عيني تسعكنه . وتقول الشاعرة الأخرى تمدح العروس : ونورة يوم أستقامت نور البيت منها **** الله يمنع جميع الناس والشر عنها . وأستمر اللعب حتى نص الليل شئ فرحة وشئ هيالة . وفديت عمرك ياسلطانة أنتي وأمك في تاك الضيعة الهيلة شئ شويطة وقهوة وشاهي الله ياهب لك عافية تعرفين عمتك نسيم تحب الشويطة وذامعك فوق النار قشرن وإلا قهوة ؟ أن كان أنه قشرني فأني باسربه لخونا سعد الحبيطة نحيكة سد البيت من البارح يتحرى للقشر والله يافشيلتي منه طلب القشر مرتين ماحد جاب له شئ والقحمان كن ودهم يتهرجون في الفية سد البيت مع سعد ، القحم يحيى يبغى يعلمهم علوم تهامة هو القحم يحيى الأخر اللساب أمحوا ياغلائم سمعتنه بتيه الهرجة ؟ يقولون أن سعد الحريري حق لبنان يعود زهراني من بني حرير ياسبحان الله من يصدق دوبي عرفت من العم يحيى أبو محمد يعلم بها القحمان سد البيت . لااااا وبعد يقولون أنه يقرب لأبو مشعل الحريري سبحان الله >>>> تحب تنشر الإشاعات ههههه روحي يابنت أدعي الغلائم كلهنه شتة وريحانه ونوروجمرة وحكاية وملوكة ورفيعة وكوووول الغلائم قولي لهن أن سلطانة جابت شويطة وقهوة وشاهي فوق الرعش تعلن قوام للقهوة والشويطة . وأسمعي ياحكاية أنحن فيكم يوم الخميس نصاهر في سعدية لا تفلحون في مكان نبغى الصلح والعلوم الهيلة معنا ولدن هنية ماهلا نتردده يقول والله لو ما خطبتوا لي سعدية بسرعة أني لنزي نفسي جوف بير النقعة وأنا والله أني خائفه عليه المغزول يزيد يضحي بعمرة عشان بنتكم بيغزل عليها . أني بغدي أسوي مواصن لبقرتي وأعود عليكم . تبايتون على خير ، والساري يلقى خير .