المشاركة الأصلية كتبت بواسطة نسيم السروات
الفزعة الفزعة يابنات : تعلن كلكنه بيجونا ضيوفن من أمريكه . مادريت مع صبح الله خير وإلا والأخ منبع الطيب مرسلي على الخاص رسالة عاجلة أن السفير الأمريكي جمعان وكهلته خضراء بيجونا زيارة في قسم التراث . هيا الله يسعدكن اللي تحوق السيح واللي تحوق المجلس واللي , تروح تسوي خبزة مقناة وأنا باروح اطلع دخونن معيه وعودة اطيب البيت واسوي قهوة وشاهي وقشرن في الملة . واباروح أطلب من القحمان يساعدون بالضيافة . أفلح ياعم يحيى خذلك أثنين من الطليان وأسدحها ذبائحن للضيوف وخل سعد الحبيطة يقطبها لك . والقحمان الأخرين عساف وسام والرأس الصغير ويحيى اللساب وفيصل فيصلي والحقحق الصداح وغيرهم يوزعون أنفسهم اللي يطبخ العشاء واللي يستقبل الضيوف في المجلس لا تشرهونا من المستر جمعان وكلته المسز خضراء ودخيلكم روحوا دوروا على ذاك المزول اللي اسمه سحاب اللي يعرف يتهرج أنقليزي خلوه يترجم لكم كلام الشيخ جمعان مافيكم ياقحمان الرحمان واحدن يعرف الأنقليزي الشكوى على الله ، أما سحاب فحسبنا عليه إذا بغيناه في زحمة كما تيه ماحد يلقاه أغدي به عند الحناقف والهروج في موضوع الحكم والأمثال والله أني أخاف ماتلاقونه الشري لكن دوروا عليه كمن تلاقونه وحضين ياغلائم تعلن نستقبل السفيرة خضراء ونقهويها ونتهرج معها سمعت أنها تهرج هروج زهرانية بحته بس بالأنجليزي وهذا مجلس الرجال قد تجهز وترتب وزهبوا الضيافة والقهاوي ماشاء الله . ماشاء وين يجلس الضيف كل القحمان حضروا مع وراعينهم أمتلا المجلس . هيا بالله وسعوا للضيف وحطوا له مكان في صدر المجلس جنب القحمان الكبار اللي أشوفهم أخر المجلس . وهذا مجلسنا يالنسوان رتبناه وبخرناه زين الله . وذا البنات بنات شته معيضة ومرزوقة جهزناهن يستقبلن الكهلة مسز خضراء زوجة سفير أمريكة ويقدمن باقة الريحان والبعيثران : وتية الكهلة شته والكهلة حكاية جينة بالغزل والمسادي يبغين يورين كهلة أمريكة كيف نسوي الصوف والمصنوعات الصوفية هيا تعالوا كلكم ورائي الضيوف وصلوا تعالوا نستقبلهم . يالله حيهم . مرحبا هيل عد السيل مرحبا تراحيب المطر 7 7 7 7 7 ههههههههههههه ياذكر الله ماخلوا ولا بقوا عن قحماننا وشئ غرازن ودنيا هيا رحبوا بضويفنا المستر جمعان سفير أمريكاو كهلته المسز خضراء تراهم دوبهم جايين من بلاد عسير كانوا مارين من جنبنا وقالوا بنمر على الكهلة نسيم في قسم التراث نشرب عندها تلاجة قشر وجابهم منبع الطيب الله يحفظه . خذوا منهم العلوم وأعطوهم علوم الديرة والسيرة . تفرجوا في صنع الله