[سعيد بن عبدالله الزهراني]

اقتباس: المشاركة الأصلية كتبت بواسطة الراس الصغير      يعني خلاص ماعاد نقدر نسالك وين تغدي ؟ باقي ياعزيزي ما انتهى الاسبوع ههههه اقعد اقعد يا رجال فوق ذامعك الكرسي باقي انشدك عن بعض الامور عندي طلب يا بو عبدالله قل تم انك تكتب لنا قصة حياتك من بداية الطفوله الى الان بس بالتدريج بدون تفاصيل خاصه نبغى نستفيد من تجاربك في الحياة وما فيها من قصص ونوادر وان كان ماتستطيع ان تكتب فاتمنى انك تدون قصة حياتك بمدونه خاصه لك ويشرفني ان اتابع قصصك لانها مكسب وثروة وان كان عندك مدونه وسبق ان انشاءتها فدلنا عليها وبعدين ليش ماتتلقى رسايل خاصه ؟؟؟؟ بغيت ارسل لك رساله خاصه ولا عندك خاصية الاستقبال وش معك ماتستقبل على الخاص ؟ ابغاك ترسلي المحادثه اللي دارت بينك وبين الشيخ بتويتر اللي رفعت انت ظغطه وقال مايبغالكم الا مدري ويش وتقبل مروري

[B]مرحبا بك أخوية ( الرأس الصغير )

أنت طلبت قصة حياتي الله يحفظك لكن أنا تعمدت أن أقلب الموضوع وأعطيك مراحل ومراسيم الدفن حتى اليوم الثاني :.
أولا : أنا وصيت أبنائي يقبروني في الديرة القبور هناك كبيرة وطويلة وعريضة ,,يمدي الواحد يلتفت يمين ويسار ويجلس,, أما قبور اللحد في وجه الله منها ما يمديك تنقلب تأخذ أعلام الرجال إللي يبغى يتعلمك بعد ما أوضع في القبر الله يعيننيه على فرقاكم .
ثانيا : طلبت من أولادي يقبرون أطول جنبيه معي ويحزمونها في جنبي الأيمن قلت ما أبي إلا السلة والغمد خلوه لكم , إن كان شفت المحاسبين علومه زينه فلا والله إلا أسفرت وانورت وإن كان جاي بسلاسله وأدوات التعذيب فما دون الحلق إلا اليدين لأن سلسلة طولها سبعون ذراع يقعد يسلكني بها النهار كله,,, ما يقدر عليها سعيد باحش أيده بذيك الجنبيه ما تنفعني وقت الشدة ولا أحد يساعدني بهذا الداهية وإن قمت بتخلط في الكفن حاله .
ثالثا : أنا وصيتهم يربطون ذاك الحمار أكرمكم الله فوق القبر ويهبون له شعير من حق مزايين الإبل إن كان تغلب عليه الرجال في القبر وكثر أسئلته يحسب إني المنفلوطي ,,,فبيصير صياحي يلعلع لأن صياحي ما أحد يسمعه من الثقلين الجن والإنس إلا من هو في مقام الحمار أكرمكم الله ,,,,لكني عملت خطة طواريء للتنفيذ إنكان الحمار أنزعج وكثرت حركته ونهيقه ,, فلا والله إلا أنا في مشكله وضنكه لا يعلمها إلا الله فعليهم أن يسعفوني و ينقذوني مما أنا فيه ويحنطوني ويخلوني في حدة البيت وإلا ( الحصن ) للشياطين المهم أنفكه وما أبيهم يودوني المستشفى ما عد ينفع وإنكان الحمار خلص شعيره حتى اليوم الثاني فاعرفوا إني بخير وإني أقطع لي بجنبيته فواكه من فواكه الجنة والليلة الثالثة إن شاء الله أتزوج من حور العين والضيافة خلصت وإذا تبون تأخذون سلة الجنبية فتعالوا أنا مستغني عنها وتجاوز عني ربي ومبسوط ويمكن تحطون جوالين هدية واحد لي والثاني لعروستي بمناسبة الزواج . وأمكم خلوها تشوف شغلها خلوها تغير قهر فيها سعيد أقبروها بعيد في قبور اللحد وأنا بازورها في مكانها وأبارك لها إن كان الله طيب خاطرها وجاب لها واحد فيه خير يعوضها .
أما تبغاني أبيح بأسراري كلها يالراس الصغير فوالله ما أدري ويش أحصل قدامية وخايف أخرب الموضوع كله ويقول لي المحاسبين هذه ما هي من صلاحية المنتدى ها خل الراس الصغير ينفعك وذيك الساع بتقول ليتها عينك ضحكت بك يالمغزول أويه ما تعرف سياسة التعذيب عندنا حتى تحت الأرض ,
لا تنسوني من خالص دعاءكم تكفوون أنا بحاجة إلى كل دعوة صادقة ,, جمعني وإياكم في جنة الفردوس والمسلمين جميعا . والسلام عليكم ,