المشاركة الأصلية كتبت بواسطة نسيم السروات
الليلة وطية سعدية بنت حكاية على ولدي مفرح وجبت مقاضي للعروس تعلن تفرجنه جبت شنطة مليانه فيها لبسة عودها بالكامل من ثياب وسرواويل ومناديل وشيال وحوكة وقارورة ريح وهرسة حنا هههههههههه هاسلمتي يخته والله ماقصرتي الله لايقصر بعمرك ودخونن وكووووول حاجة . وجبت لأم العروس قهوة وفوقها 50 ريال كسوة لها . ووزعت على الغلائم دحوة دحوة قهوة وكل دحوة فوقها 10 ريال كسوة وباقي يردينها لي في الصدة أن شاء الله . وعزمنا معنا كل أهل القرية رحنا بهم معنا القحمان والكهيل والصغير والكبير عند أبو سعدية نملك لولدنا مفرح ونصلح في سعدية . وتيه الشاعرة حسينة جبتها معي هي ودفها عشان تقصد وتمدحنا وتمدح ولدي مفرح . وذلينه بناتي وبنات القرية تجمعنه وجينة ودهن باللعب عند العروس . أما ذا الغلائم فهن صديقاتي شتات وسلطانة تكشخنة دعيتهن وجينة . وتية عروسنا عليها ذكرها دوبها راحت كانت سارحة بالغنم حتى نهار وطيتها ماخلوها تستريح عليه عنها . وتيه أم العروس الأخت ( حكاية كانت )في الوادي تقرص ماعلمها قحمها أن الليلة وطية بنتها سعدية دوبها تدري . وتيه أم العريس مفرح ( نسيم ) متنصصة عشان ملكة ولدها الليلة . وهنية البنات رزين اللعب بعد العشاء . وشوفوا مفرح فديته مع أبوه وعمة أبو سعدية يطبخون العشاء . أهو أبو عمامة كريشية حمراء زينة الشباب على ما سبيتوه مايستاهل . وتية كانت الوطية ( الملكة ) والصدة أن شاء الله في العطلة لاجوا المسافرية بعد نجيب حفلة كبيرة وندعي فيها كل الشعار الكبار مثل عساف وسعد الحبيطة والرأس الصغير يحيون الحفلة . وسلامتكم .