نبرة حزن
اذا عانيت من جور السنين ومالي القدره
على حمل المصايب والهموم اللي اعانيها
عسى الله لايضيع كروة الصابر على صبره
وعسى الله لايذل النفس من كثرة خطاويها
تحملت العنا طول السنين وايامها القشره
ولاطـــــابت لـــــي الدنيـــــــا ولا زانت ليــــــاليهــــــا
يجاملنــــــــي زمــانـــــــي بالفـــــرح والهم ياكــــــــثره
على احداب الضلوع اللي سكن قلبي نواحيها
اتمتم بالفــــــــرح والعيـــــــــــن غرقانات بالعــــــبره
ونفســــي تسكن الاحــــــــزان داخلها وتاويها
واجر الصوت في نفسي ولا يحمل سوى نبره
من الاحزان ترسم صورة الماضي وتحكيها
طلبت الواحد الباري يهون ساعة العسره
اذا ضاقت بـــــــــي الدنيا وغثتني بلاويــــــــــــها