[ملاك زهران]

[align=CENTER][tabletext="width:60%;background-color:black;"][cell="filter:;"][align=center]

المهم..بندش بالموضوع..حتى ما نضيع وقت..يلا..بسم الله..

كلوي من كلوي..ريحته ناعمة و دلع..بس بنفس الوقت كلااااااسي و كشخه..حاليا هو عطري المفضل..

ميس ديور شيغي لوو من كريستيان ديور..مو ميس ديور شيغي الاوريجينال.لأ..هذا الجديد..اللي لونه اخضر مثل اللي فالصورة..ريحته مثل الاوريجينال بس الفرق هذا فيه لمسة فريشنيس حلوة..تخلي العطر مناسب جدا للصيف..

فلو دو كوريل من لوليتا لمبيكا..ريحته غريبة اوووول ما ترشيها..بس يوم يفتر العطر شوي..ريحته تصير مثل البيبي باودر على ورود على صابون..شي عجيييب العطر هذا..و على فكرة العطور من لوليتا شكلها متقااااارب..فاللي تحب تشمه لازم تخلي بالها و تتأكد من الاسم حتى تشم العطر الصح..خخخ.

كليوباترا من توكا دار الازياء الايطالي الشهير..ما ادري اذا هذي الماركة معروفة بالوطن العربي..بس جوووونان هذا العطر حدددده انوثي..اموت فيه..ناعم و ريحته ما تتغير الييين يروح..

كوتور كوتور من جوسي كوتور..البطل لحاله كيوت..و الريحة بعد اكثر..خخخخ

جولييتا من توكا..مرة ثانية..هالعطر من جد شيييييي..رومااااااانسي..واااااااجد حلو..ادمنت عليه لفترة طويلة..

جادور لوو من كريستيان ديور..و نفس الشي هذا بعد ركزوا فيه..لانه مو الاوريجينال..و شكله يختلف عنه بشكل بسييييط..ريحته حلوة فيها هدوء جادور المعروف مع الفريشنيس اللي ذكرتها سابقا..بس الفريشنيس حق هذا اوضضضح..و فيها لمسة عطور الحمضيات اقوى..حبيتها حيييل..و نفس الشي احس هالعطر ربيعي او صيفي

باغيسيّن من ايف سان لورا..حلو ريحته..دلع و كلاس..فيها لمسة تذكرج بالسكر او شي من هالقبيل (سوري عالشرح..بس الريحة من جد فريدة)..بس لا تكثروووون منها و الاااااا بتصير الريحة قوووووية و تلوع الجبد..يعني رشتين بس ماااااا اكثر..

رومانس اولويز يورز..من رالف لورين..نايس..اتععععب و اقول نايس..يا ناس من جد هالعطر ناااايس..خخخخ..و هو اكيد واحد من مشتقات عطر رومانس المشهوووور..بس هذا احلى واحد لانه..ناااااايسسسسس و كشخة كشخة كشخة...هههههههه

نانيت من نانيت ليبور..حلو واااااااااااجد بعد ريحته رومااااااانسيه..و هادئه..راح تتعبين و انت تشمين بروحج يوم ترشيه..من عطوري المفضلة بعد..

كول واتر من ديفيدوف..قديم..بس لي ذكريات معاه..و ريحته فريش فريش فريش..تحسين نفس توج طالعة من الشاور يوم تحطيه..احبه و احطه فالبيت بكثرة..

تشانس من شانيل..غني عن التعريف..راقي بكل معنى الكلمة..

سيمبلي سوب من كلين..من العطور الرخيصة اللي عندي..اشتريه من حبيب قلبي سيفورا دائما..احطه يوم ما ابي ادوخ نفسي باختيار عطور..لان ريحته باسمه..يخلي ريحتج كليييييين مثل الصابون..عيبه بس انه ما يثبت لفترة طويلة..بس حلاوته تغطي على هالعيب..

كاشمير ميست من دانا كاران..بصراحة هذا العطر ماماتي كانت تستخدمه بس يوم ردت لعطرها المفضل..اخذته منها لاني حبيته حييييل من اول مرة شميته..ريحته هاااااااااادئة و راااااقية بنفس الوقت..

لولا من مارك جيكابز..احدث عطر من مارك..ريحته زهورية..يعني غصب تفكرين بالورود و الربيع يوم تشميه..خخخخ..بس طبعا الريحة تجي راقية مو ورود و بس..اي كلام يعني..لا من جد ريحته حلوة هالعطر و للاسف ما مهملته صار لي فترة..شكلي برد له..

فيري ايريزيزتابل من جيفانشي..طبعا غني عن التعريف..باباتي شراه لي اوووووول ما طلع كهدية تخرج..و كثر ما اعتز فيه اشتريه دايم..رغم انه خلاص صار قديم و مشهور واجد...و بصراحة انا اشوف انه العطر النسائي الوحيد اللي ريحته حلوة من هالماركة..

امنية كريستالين من بلغاري..من العطور القديمة شوي بعد..بس ريحته كلااااسيك..و راقية..فيها لمسة بخور او شي من هالقبيل..يعني ما فيها زهور و هالامور..حلو كلللللش بس ما ادري ليش ما يثبت لفترة طويلة رغم انه من ماركة راقية..

هابي من كلينيك..هذا العطر كل من يشمه يتذكرني..استخدمته باخلاص لمدة 3 سنين..شوفوا الوفاء بس..خخخخخ..من جد ريحته حلوة..فيها شي كلاسيك..و كلين بنفس الوقت..و انا اعتبره من العطور الرخيصة شوي..

رالف من رالف لورين...عطر صيفي بحت بحت بحت..كنت استخدمه بالمتوسطة..و خلاص ما اقدر اتركه..فيه ريحة فريشنيس رهيييييبة..و هو من العطور اللي استخدمها فالبيت بكثرة

فديت قلوبكم

مع السلامة

[/align][/cell][/tabletext][/align]