[نسيم السروات]

يالله علم خير وين غدين البنات لي ميمة ماشفت حد لقى ويللانا فوق ذيه الرعش

تعلن يابنات معي لكن قصيدة لقيتها معلقة جوف قسم الشعر الشعبي للشاعر عبد المجيد العدواني

وأني أقتلعتها من مكانها وجيت ورزيتها هنية جوف مجلسنا التراثي والقصيدة هيلة جهدا أسمعوا وش يقول فيها :

سحاب ياللي موجّهـك الهـوى للجنـوب
خذنـي معـك فـي طريقيـك لا تعدانـي
وان شفت شمرخ تمهل واستعد للصبـوب
وارعـد علـى ديـرة اجـدادي وخلانـي
باهلّ مثل المطر من شـوق والا بـاذوب
لعيـون ذيـك الديـار الـلـي تمنـانـي
ما شفتها والشفق بيموت وقـت الغـروب
كنـه حبيـبٍ يـغـار يحبـهـا ثـانـي
وما شفت ذيك المجالس والحطب والشبوب
يسمع تراحيـب اهلهـا قاصـي ودانـي
وما شفت ذيك الحصون تقول شيخٍ نصوب
منصبينـه عـلـى الـديـره وللعـانـي
وما شفت ذيك البيوت الشامخه كالنصوب
كنها تقول الزمـن يبطـي مـا يمحانـي
وما شفت ذيك المجره والرشـا والغـروب
والبيـر والسانيـه وجنـايـة الجـانـي
تاريخ نقراه بنحـوت الحجـر والـدروب
في كـل لمحـه حكايـة شيـخ زهرانـي
تاريخ بيـن القبايـل سجلتـه الحـروب
لليـوم الاتـراك تذكـر فـعـل جـدانـي
زهران عـز السعوديـه وعـز الجنـوب
مـن اخرتهـا إلـى أول بيـت عدوانـي
هـذي ديـاري وربعـي طيبيـن القلـوب
سحـاب لا تلـوم قلبـي يـوم يحدانـي
رح وين ما وجّهتك العاصفـه والهبـوب
وأن جيت للديـرة أرعـد بـس وتلقانـي


عبدالمجيد العدواني

----------------------

وان شفت شمرخ تمهل واستعد للصبـوب
وارعـد علـى ديـرة اجـدادي وخلانـي

-----------------------

الله الله يازين بعض الشعر ما يمهله الواحد إذا سمعه

الله يشكر فضله شاعر بني عدوان في تيه القصيدة أعجبتني جهدا .