[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يقول من بات بين الهم والحيره=بسباب شين موقد بالحشا ناره
ودي آتصبر ولا حصلت تصبيره=وشلون برتاح دام النفس محتاره
قلبي تعذب على شوفته والديره=اخاف نحرم من الديره ومن داره
ياوجد حالي وجود اللي فقد طيره=وقت الهدد والقنص مافارق انضاره
وده يصيده مع ورده وتصديره=واليا طرى طيره الغالي هبا غاره
يقدر يصيده ولاكن تمنع الجيره=شيمته ماتهله ياخذ قنص جاره
مابي قناعه ولكن داخلي غيره=ماتقبل السرق لا والله ولا العاره
انا الذي واقفن ضامي على بيره=ولا شرب والمياه ايمين ويساره
مادامت الحض جابه مالنا غيره=ماجابه الله فوق الراس مقداره
ياطير حبك عجزت اجيب تصويره=حبك ذبحني ومحبوبك خذ افكاره
تعال خلك بجنبي يبيض السيره=مشتاق والطير دايم يفقد اوكاره
ان جات والا ادبرت ياجعلها خيره=راضي بحاجه من الخلاق مختاره[/poem]