[العرنين]

[poem=font="Simplified Arabic,4,#033FAD,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
يا حلى يا شهد ياسكر زياده=يادلع ياذوق يا تيه وغرور
ياوله ياشوق يا نشوة سعاده=يابدايه بك نهايات البحور
يا عذابِ يرجي السالي وداده=والمعذب به نذر له بالنذور
ياغلى ياحب يا معنى الاباده=في عيون خلت المعنى يبور
يا صدى صوت تعب حظي قراده=ويا صدى صمتِ بلا معنى يجور
ياقمر نور قبل يكمل بلاده=وش يفيد ان قلت لك بدر البدور
ما وصفتك وان وصفتك فالشهاده=ان وصفي ما وصف نص الشعور
ليت يلقى ياعسل نص اجتهاده=العنا مقبل ومعناي بنفور
يا غلا يا عشق ذوبني براده=مانوى صيفك على بردك يثور
ما نوى رشدك يغير لي رشاده=وتعكس التيار واسراب الطيور
دام كلي شوق وينك يا مراده=ما خبرت الذوق يرضى بالقشور
وانت خابرني انا ما احتاج اشاده=مبدئي ثابت لو الدنيا تدور
كم تركد مير مافاده ركاده=كيف يركد شاعرِ دمه يفور
مايفيد الشوق الى جرح ضماده=ولا يفيد البدر اذا ماله ظهور
انصفي عاشق كتب معنى وشاده=قال ابوصل لك لوانهدت جسور
البلا انه حب سكرك الزياده=واعجبه ذوقك وزعله الغرور
قال باقطف من شفايفك السعاده=يمكن احساسك عقب قطفي يثور[/poem]