[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غربه على وحده وبعد ومشاغيل=تشيب اللي في زمانه يجيها
واحزان وهموم وعذاب وغرابيل=وش عاد ودك ياحياتي عليها
اقول لك يغلا من الروح والجيل=طفي شموع الحب والا اشعليها
هذي عيوني دمعها كنه السيل=من فوق خدي دام منك امسحيها
باخذ يدك واحط فيها المناديل=وانتي تشوفين الذي منك فيها
انا فديتك ساعة العدل والميل=فرحة لقانا صدق لا تقتليها
كانك تحبيني وتبغني اشيل=هموك اللي صارعتك اتركيها
انا لك الله من قروم الرجاجيل=وانا من اللي كلمته يحتميها
قبلك سهرت اليل ياقمرة اليل=وكل ليله طلتك نحتريها
لا تتركيني اجر حزن المواويل=املي عيوني بالغلا واسهريها[/poem]