[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قالو علامك ماتريد الزواجي=قلت الزوج ولا لنا فيه حاجه
طار الحجل ماعد بقي الا الدجاجي=والحر يموت ولا يقرب دجاجه
عجزت الاقي بالعذارا مزاجي=يوم ان كلن خذ ولاقى مزاجه
لو شفت مدخالي عرفت الخراجي=ماغير مدخال المعنى خراجه
واوجد حالي كل ماخش راجي=في داخلي للي يونس حجاجه
وجد المريض اللي بدون العلاجي=اللي قضى عمره يدور علاجه
وا وجد مسجون تحرى انفراجي=مضلوم متأمل بيوم انفراجه
واقفت سنين طول ليله يهاجي=من دار في ديره حلومه يواجه
واليا صحي صاحت جروحه وهاجي=فوق الذي طاريه سبب هياجه
على الذي روح بوسط العجاجي=خذته من بين الخلايق عجاجه
ودته في ديره بها مايناجي=الا الحزن والهم راجه وراجه
بعض الهروج تسببت لنزعاجي=ان كان غيري ماتجيب انزعاجه
ياليتها تقفي ولا عاد تاجي=واقول فدوه لزمان ودراجه
وارتاح من ثنتين جت برتجاجي=ماجات لواحد غير جت برتجاجه
في دورنا ماشفت فلة حجاجي=هذا اللذي خلا فوادي زجاجه
هذا وانا من روس قوم العواجي=ناسن تعدل كل مابه عواجه
لهم في التاريح عرشن وتاجي=ماشي يجمل غير لبسه وتاجه
لكن زماني راح من قبل ماجي=والوقت ذا قلبي رفض لدماجه
ماني مصوب لا ولاني بناجي=لامن عذاب الما ولا من هماجه
منكر شربت العذب والا هماجي=لكن حياتي ماشربت الدراجه[/poem]