رديه بيني وبين الشاعر عطيه عوض السني الزهراني (ابو مشعل )
ابو مشعــــل ...( قصيده عتاب موجهه لزميله في العمل عبدالله )
ياقصيدي مابقي للصمت داعي
... فضها مادامها صارت خيانه
كنت اراعي بس مافيني اراعي
دام باقي من اخوتنا ميانه
صاحبك ماجاب لك سم الافاعي
لـ جل تطعنه وتجرجر في طعانه
كنت البي كل صوت وكل داعي
كنت اشوفك في حياتي زعفرانه
كنت عبدالله وعبدالله ذراعي
كنت تسكن بالغلا في كل خانه
غرروبك ناس تسعى للضياعي
وانت ضلع ٍ مرتفع قدره وشانه
ياقصيدي جهز لـ جرحي متاعي
الخوي هذا الزمن ماهو زمانه
توفي وتلقى مكانك وسط قاعي
وانت قلبك للاسف صابر مكانه
والله ان الغدر ماهو من طباعي
ولاني ا من اللي يدور للعانه
ياصديق العمر جاك القاف ساعي
والخفوق يحن من لوعة حنانه
جمل الله طعنتك والليل ناعي
وسمّح الله خطوتك والقلب حانه
دام عبدالله لمن يغليه باعي
يارعاه الله في حفظه وامانه
ّّّّّّّّّّّّّّّّّ
الحـــــديبي ...
ودي اصعد (للشفا) والا (الفراعي)
وارتقي عن صاحب ٍ ماله ضمانه
كنت اجدف والبحر قطّع شراعي
بحر فرقا خلّ مركب واتزانه
بت راس (المنشبه) بين السباعي
وصرت اغني الليلدانه ليلدانه
يابو مشعل تهت في دار الوساعي
سرت دربك .. نسأل الله الاعانه
ورعنا مع ورعكم مادمت راعي
ماحفظ قدر العنا والا الحضانه
غير ورعي ديرته ديرة سماعي
عزوة المحتاج درع ٍ له وامانه
منزله وسط الحشا حوله قلاعي
الضلوع العوج وازيد الحصانه
كنت (حافز) له مع البنك الزراعي
بعت روحي لجل مايشحذ اهانه
ماحفظ ميثاق ... عجّل بـ انتزاعي
مـ احترم ميثاق قاله من لسانه
ابتعد وابيات في فكري صراعي
قمت جريت الخطى صوبك ياحانه
قلت للنادل يزود فــ الجراعي
بشرب الوسكي وعذراً ياديانه
يبو مشعل صاحبك ماهو بـ واعي
طاح حيلي ماقدرت اسرج حصانه
....
وسلامتكم