[ابو نازي]

اهلا يا قحم فيصل فيصلي اني دريت انكم بتقلونهم لكن حرزت

البلاد قلت ماعيني ابيعها الا للعريفه واكتتبت عليه ذيك الورقه انه ما

يغدي فيها وحياة الله ما يجي حول الليل بقدرة الله لين ارتد البلاد.


الله الله يا ابن روزه على الخبزة المقناه متى نطلع الديره شهويتني لها. الله يعافيك ويحييك..



الا كهلة سحاب ذيك يقال لها شريفه حليلها بعد مات قحمها

لحالها جوف ذيك الخربا معهم حتى سحاب الله يرحمه كان فيه كنافه

ابا يحيل من بين البيوت والخربا ذيك ويبتني جوف احدى الصفح

وهي والله ما يجي الليل الا وهي مستوحشه حليلها وهي لحالها

ضعيفه ما تقدر في بلاد سحاب كلها

انه صاخ له نصيفة البلاد والجماعه في نصيفه

والا تياك الغنم معهم تجي ثلاث ميه كان سحاب مذبحه ما ينش من الدم

يذبح من جوف الغنم يقول للضيفان وهو كان معه طمعه في العرافه

الا لا يجيه واحدن يبغي صدقه ما عبا له شتفة قراشه من عشا البارح

لكن الله قصر به عما في خاطره

فانكان ودك يا نسيم وانا ابوك تغدين عند الكهلة شريفة كهلة سحاب

الله يعفي عنه ويرحم رمته ويبري ذمته انه ماكان كماه في الجماعه كلهم >>>> كمن الكهله شريفه تسمعه

وتهرجينها بالنكح وتحيل من تياك الخربا واحاوشها في البلاد والغنم

وباخذها (مسيار) فوق الكهلة خضراء المشفوطه والعلم ذيه بين

وبينك لاحد يدري والشيوخ حللوه وانا ما تعديت شرع الله

ولا يغرها ذيه الشيب في لحيتيه بصبغها بشوية حنا

وعيونيه اني سويت لها عمليه وانا صرت القط حب السنفى من

الصرحه واحش السلك في الابره انكان انها تبغي تخيط

والسنون لوكان شوينا بشار اللعين الله لا يبشره بالعافيه كان لقينا

سويناها في سوريه لكن بتركب سنون صناعيه لين يحيل بشار النعجه

ان الله يهكبه ذاك اللعين لوكان ما هو حشمة اهل سوريه حشمة الناس يعالجون سنونهم

ها انتشديها وردي منيه .