يا موظف أرامكو المسكين !!!
انتبه .. لا تدري زوجتك
خلّيها الله يسترها معااااك وتعيش لك كم سنة حلوة بعد سنين النكد !!!
وخصوصاً في أول سنواتك بعد التقاعد !!!
يقول لك نظام الشركة:
عندما يتوفى موظف الشركه وهو متقاعد
فزوجته تستحق المزايا الآتية:
إذا توفي في نفس سنة التقاعد تستحق زوجته 27 راتباً
أما إذا توفى في السنه الثانيه فتستحق 24 راتباً
وإذا توفى في السنه الثالثه فتستحق 21 راتباً
والرابعه تستحق 18 راتباً
وإذا فنقش في السنة الخامسه تستحق الزوجه 15 راتباً
وإذا ما قدرتي تجيبين أجله كل هالسنين، فمن بعد السنه السادسه فما فوق
ما لك أيتها الزوجه إلاّ 12 راتباً !!!
ياااخي هالشركه فلللله ..
كأنها تقووول للزوجات اسعوا بكل قوة للقضاء على هالمسكين
اللي وصل معنا لسن التقاعد .. وما قدرنا نقضي عليه نهائياً ..
فالدور عليكي لاهنتي وبنعطيكي فلوس بعد !!!