رد: العين حق
شوف ياسعد...والله لكنت اتمهزا باللي يقولون عن العين
وكنت اقول مبالغات وتخاريف..خاصة لاجايت من الشيبان والكهيل
واقول هويه مانسمع بالعين عند ذلاك الامريكان والالمان وامثالهم...وهم بيتفقعون وعندهم المال والصحة والذكاء والجمال وكل اطايب الدنيا..ومايتحاشون ولا يذكرون الله وما يتكلمون عنها ...
مع انهم يسوون احصائيات لكل شي..من ضحايا السرطان والعياذ بالله,الى ضحايا ادمان النت
لكن التجربة والحياة علمتنا واكدت لنا ان الاولين ماصاحو الا من شي
وان العين تدخل الجمل القدر,والرجال القبر..وهي خطيرة خاصة عالاطفال((( واللي مالهم زاحمه)))
والهرجه(( النق)) يمكن تكون مثل العين والا أخس(( اذا ماتعاينتاه فاهتره)) يعني يصيحون على الغافل لين يهلكونه
(( ومن شر حاسد إذا حسد))
|