[حصن الوادي]

اقتباس: المشاركة الأصلية كتبت بواسطة فيصل فيصلي      وباذن الله يالكهله شريفه ماتتحلس عليها لانته ولا الحصن ابو وجهين ذاعك ترا مايدق في ساقتك الا هوه وذب يهرج فيها من وراك..ماهب كمايه صداقن وازقيبها ملا كاشرك وماعندي في لحيتك

أنا لله أنا لله , هويه يا فيصل فيصلي يا قليل الخاتمه على زوالك , هبيتانيه أبو وجهين ,
والله الذي خلق اني خيار الجماعة وانهم ما يعتقدون بني حسن أكون جوف مجلسيه وأنت
تقول أبو وجهين غررررب غرب الله عليك , والله ماني خطلن واني أقدرآخذ حقيه بيده
لكن أي نحن كلنا تحت حكم الله ثم حكم بن سعود , ولا تحسبنيه مغزولن كا ابو نازي (آهو
أغدى أماعي شنان نثره ملى الصاعدة وآهو زاد باع اللي قدامه واللي وراه وحاشها دية في
شنان الله يغفر له وهو ما يسوى ملى أذنه فريقه) , لكن أبو نازي يعرف لها والله ما تضيع
عليه وأنه دندونن وشي معرفه وبعد يرتد البلاد وفوقها مثيلها بحيل الله.

وألمح يابو نازي آني فرحت يوم جاني مندوبك يبلغني أن معك صده يوم الخميس (دور امسي) , وما
دريت عن هرجتكم انها تمت مع الكهلة شريفه , بقوف اني هبطت سوق الشعراء وسوق
الشعراء مافيه إنترنت هههههه.

ويشهد الله يابو نازي أني ما اعدك إلا واحدن من أخوتيه , وأني لهبطت سوق النقعة حشمة ذامعك
الروح وخذيت لك فرقين حنطه , وأني لتخيرتلك 10 طليان من خيار غنميه من غير 4
ريال فرانسه وفي خاطريه أني بعد اتعذر منك على قلتها , وما دريت يابو نازي إلا
وأنهم يقولون القحم سحاب عود وأنتم تقولون مات وش تالتهاويل معك ومع نسيم , وانحن
يا رفيقه بغينا ننكح كهلته وهو حين يرزق , أما أنا آبرى لله من ذنبكم وذنبها.

لكن أنكان أب تطاوعنيه يابو نازي فخل الكهلة شريفة للشياطين , وخلنا ندرج الهرجه في الكهله
شتات آني سمعت أن قحمها أعطاها حقتها ودكه بها , والله الذي خلق أن معها سوجن
تسوى لها مسوى وأنك لا تاخذ شتات أنها ما تردك في ندامه , و شي صحبه بينها وبين
نسيم , ولو كان يابو نازي آهي قبيحه ولسانها يلاعب شدوقها لكن حتى أنت يابو نازي ما
عليك خصه من هذي الناحية .
ها خاير وشاور وهرج نسيم خلها تغدي تهرجها وتتسيس عليها أن كان الله هداها وخذتك
يابو نازي , وآني معك في تي الهرجة وفي غيرها , وحتى بلادك أنا لنرتدها بحيل الله قوي
الحيل.