[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ارحلي عني بقدر المستطاع=وانا عنك ارحل قدر مااستطيع

يكفي اللي صار يكفينا ضياع=لاتضيعني ولا ودي تضيع

اصعب الاوقات حزات الوداع=ماتحملها جبان ولا شجيع

وقتها والله مافيها شجاع=والله انها اتضيق الصدر الوسيع

لو حديدن من لضى حبي لماع=وانت لاسوي شسوي ماتميع

دامتك تبغى العلو والارتفاع=فالهوى هذا الزمن ماهو رفيع

لاحضر وقت الوله والالتياع=لرجوله والشرف لحضه يبيع

كم حبيب لا حبيب الروح باع=وكم حبيب طلع اللي حب ريع

صدق لامنه اكتمل يصبح متاع=ويقلب الدنيا ربيعن في ربيع

وانت ماودي احطك وسط قاع=ودي اسوي معك حسن الصنيع

راع من هو قد تولع فيك راع=واعذره يرحل وخله بك وديع

الذي يتذكرك في كل ساع=اللي يبكي لك كما طفلن رضيع

حبنا قدوه وله حق اتباع=لاكن ان الوقت عيا لايطيع

والختام اعداد من زار البقاع=الصلاه عاللي دفن غرب البقيع[/poem]