[عاشق الاحزان]

ياحبيي يوم خيرت الفؤاد
بين تعذيبه وظلمه والرحيل
صاح باعلى صوت واختار البعاد
يوم هو مجبور ماعنده بديل
دام نورك ليل يغشاه السواد
والعطا من جانب إحسانك بخيل
ليش اكابر واتعذر بالعناد
وانتظر من وصلك الشي القليل
في غيابك كم شكيت من السهاد
البشر ترقد وانا ليلي طويل
اتصبر واتعلل بالوكاد
وانتظر وأقول خلي مايميل
صابني هجرك وظلمك بالنكاد
لين جسمي صار من ظلمك نحيل
صرت ماعاد اهتني شربً وزاد
والفرح ماعاد لي صوبه دليل
رحت للدكتور وأعطاني مضاد
واحسب انه طب للقلب العليل
زادت الامي وحزن القلب زاد
ومن عذابي صارت دموعي تسيل
والطبيب يقول مالك من مفاد
بالدوى حتى علاجك مستحيل
عندها .... قررت هجران البلاد
كنت انا ماعاد لي غيره سبيل
وقلبي الحاير نسى كل الوداد
مابقى لك داخله شفً ظليل
ارتحل حبي وماله من معاد
واستوت فرقاك ساعات الاصيل
ف