[الراس الصغير]

اقتباس: المشاركة الأصلية كتبت بواسطة الراس الصغير      عزيزي ياسر اسعدك الله ونصيحتي لك يا اخي خليك على قردك لايجيك اقرد منه ((وبصراحه مرتاح بالشركه مرررهـ اغلب الاحيان دوامي كله ع بعضه يمكن 3 ساعات باليووم)) لذا امسك عملك اللي انت فيه بيدك وبرجلك وتكفى لاتطلع منه ولاتفرط فيه حتى لو يعطونك في الوظيفه الحكوميه اعلى من راتبك بالف ريال تدري ليه ؟ هات اذنك اقولك اسمع يا اخي ياسر اهم شي في العمل الراحه النفسيه مع قلة العمل ويبدوا ان عملك في القطاع الخاص مريح وقليل عمله وهذا المطلوب وكلما قل العمل زاد عندك التفكير في امور ثانويه مثل التفكير في ايجاد عمل اضافي خارج عملك بمشروع تجاري او غيره يعني يكون عندك تفكير بامور بزنس اما انك تروح سكرتي في وظيفة حكومي فصدقني ماعاد تذوق الراحه ولاعاد تفكر باي بزنس وماغير كرف 8 ساعات واحيانا 12 ساعه وتجيك الظغوط من عملك ومن المسؤلين ومن المواطنين وانت في غناء عنها فريح مخكم وخليك في عملك هذا وغني اغنية ابو بكر سالم : يابلادي واصلي والله معاكي وغير ذلك قبل ماتتسرع في قرار يجعلك تندم عليه روح اسال الشباب اللي يعملون في الحراسات الامنيه واسالهم كيف عملهم؟ البعض منهم ماغير واقفين 12 ساعه والبعض جالس في غرفه مافيها حتى جريده يقراها وكل شي ممنوع وغير ذلك قليل الفركات اوالاستئذانات من العمل واضف الى ذلك عملهم حساس بحكم انه له علاقه بوزارة الداخليه وانا بحكم عملي في القطاع الخاص قلت لك النصيحه يازين العمل الخاص واذا على سالفة الديرة اوانك تنقل في حال قبولك للوظيفة الحكوميه فالديرة ماتصلح ولا بقرش الا اذا تقاعدت من عملك فانا معك وكثير نقلوا للديرة وتندموا واغلبهم رجعوا يارجال حتى المويه ماغير نمسك سرا عند الشيب تملخت وتصلخت وجوهنا من الشمس وغيرها مافي خدمات وقليل مستشفيات وخلها على ربك مخرج على جنب يا راعي البيجو اذا تقاعدت ان شاء الله يا اخ ياسر فانزل الديرة واشتر لك سيارة بيجو وكد بها من الباحه الى الطايف وغني اغنية ام كلثوم : حياتي عزاب ماتبعدنيش بعيد عنك واتمنى لك التوفيق محدثكم من الجبيل الصناعيه ابو خالد