بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
أولا .. اشكرك زهرة الصبار على الدعوه
ثانيا .. استمتعت كثيرا بمشاركات الاخوه الاعضاء السابقه
ثالثاَ .. اليكم الاجابه وعلى بركة لله نبدأ
----------------------------
س/ وش نوع سيارتك وماهو لونهاا ..؟؟
ج/ سيارتين وحده فضي فورد اكسبديشن 2012
والثانيه بحري كامري 2006 اللهم لك الحمد والشكر ..
س/ تحب االتعديل اذا نعم وش عدلت في سيارتك ..؟؟
ج/لا ابدا أحب السياره تكون على طبيعتها من بلد الصنع فقط تظليل حراري وتلبيس المقاعد والأرضيات علشان ما تنعدم من الأطفال..
س/ هل صبغتهاا ..؟؟
ج/ لا ولله الحمد بس شوية رضوض بسيطة في الكامري.. 
س/ اخر مرة غسلتها ..؟؟
ج/ إذا أتسخت أو كان عندي مشوار ضروري..
س/ من علمك السواقه .؟؟
ج/ الوالد الله يرحمه وكنت أحيانا كنت أروح لحي الزاهر بمكة وأستأجر سياره كورولا اللفة بخمسة ريال أنا وصديقي أسعد الطايفي..
س/ ماهي اول سيارهـ سقتها ..؟؟
ج/ كورولا موديل 77 بالأجار
وهايلوكس 78 حقت الوالد.
س/ وش المكان الذي اول مره جربت فيها السواقه ..؟؟
س/ حي الزاهر بمكة أستأجر سياره كورولا 77اللفة بخمسة ريال..
س/ اول سفريه لك بالسيارة ..؟؟
ج/ من مكه الى جده ومن ثم على طريق الساحل وبعدها للرياض للوظيفه.. 
س/ من يساندك ( يشجعك) اذا كنت تفحط ..؟؟
ج/ لا احد ولله الحمد وأنا شخصيا أكره التفحيط..
س/ اخر مرة فحطت ..؟؟
ج/ ولله الحمد ما اعرف..
س/ أول مخالفه ..؟؟
ج/ قيادة السيارة بدون رخصه مسكني العسكري ولكن دفتر المخالفات انتهي وسامحني..
(( وش تسوي إذا ))
س/ قمت الصبح ولقيت القزاز مكسور والمسجل مسروق ..؟؟
ج/ ولا شي .. عادي جداَ حصل كثير 
الكامري أنكسر قزازها وأنسرقت الأستبنه (كفرة الأحتياط)
ورحت بسرعة لاقرب بنشر وشريت كفر جديد وفي الصناعيه صلحت قزاز الموتر..
س/ صدمك واحد وانحاش ..؟؟
ج/ أحاول أني الحقه وأخذ رقم لوحته وأبلغ المرور..
س/ اذا واحد ركب معك السيارة وغثيث ونزل وردع باب السيارة ..؟؟
ج/ أقوله بصوت عالي أستح على نفسك .. شوي شوي ياخوووي..
س/ ركب معك واحد وانت توك مغسل السيارة وقعد يفصفص حب ..؟؟
ج/ أعطيه منديل أو كيس يفصفص فيه وأفصفص معه خصوصا إذا كان بــــــاجــــــــــه..
س/ وين توقف سيارتكـ فيه ..؟؟
ج/ في الشارع لأن ماعندي موقف داخل البيت حاليا..
س/ اذا داخل البيت كل هذا خوفاً عليها ولا مافيه مكان جنب بيتكم..؟؟
ج/لا والله بس أن ما عندي موقف سياره بالحوش..
س/ شخص ودك دايم يركب معك قدام ..؟؟
ج/ واحد من الزملاء ماهو من المنتدى بس لأنه دايم يسولف وأنا فقط أتسمع له علشان ما أشغل نفسي بالسواليف وانا أقود سيارتي..
س/ لو جا احد وطلب سيارتك بيروح فيهاا مشوار صغير تعطيه ولا لا ..؟؟
ج/أنا اوديه مكان ما يبغى بس ما أعطيه السياره لأني أكره هذا التصرف لما فيه من المشاكل والمخالفات ..
س/ وديت سيارتك للصيانه وتاخرت .. وش تسوي ونت عايش بدونهاا ..؟؟
ج/ عادي استعمل الثانيه وأصبر..
س/ بتروح رحله بسيارتكـ من تختار من الاعضاء يركبون معك ..؟؟
ج/ كلهم بدون استثناء..
ج/ من رفيقك وونيسك في مسك الخطوط ..؟؟
ج/ أحيانا بالعائلة (( بام خالد )) أو مع أحد الزملاء بحكم أن عملي خارج مدينة الرياض..
س/ كلمه توصف فيها سيارتك ..؟؟
ج/ سيارتي يــــــا غاليتي الحبيبه أنت مسجلة عندي في كرت العائلة لأني لن أفرط فيك.. 
س/ اذا ممكن صورة لسيارتك 
ج/ ما خطرت الفكره على بالي أني أصورها
لأن جوالي ما يصور بعدين أخاف عليها من العين والحسد 
..
يسلمو زهرة الصبار والف شكر على الدعوة وعلى الموضوع الشيق