المشاركة الأصلية كتبت بواسطة حكــ حنين ــآية
والله ما معك هرجة في مفرح وأبشري من يودي هروجك تيه الذماه عنده خلي عنك مخاطان وكان يتخفس عندك والله من الكرم اللي فيكم ما كانت البسة تستهير عند بابكم مثل ما قال سعيد بن سالم خلي بعد مفرح يتخفس عندكم . أما سعدية فاسكتي ساكته ياحكاية بنتك سعدية ماعد هي سعدية جمهرت من فوق روسنا وتطورت وغزلت بولديه ضعيفن ماعد يفكر فيني ولا في بوه ضعيفن وسعدية حكمت فيه يأخذ لها بيتا وحدها وتخرج عنا ماهلا أنا وعمها أبو مفرح ما كثرنا معيننا نرزاها بشي حتى الضيعة ما تقبع بقبعة ترقد لين ظهرا وتقوم وكل شي راشقن قدامها ماحتى تستحي من عمها المخذولة ، والله أنه مرة من المرات قال لها دخيلك ياسعدية اعبي لي جغمة ماين وأنا عمك وردت عليه تقول شربوا دمك قحمن وأشوى أن القحم سمعه ضعيفن ما سمعها والله لو كان سمعها ما ياخذها يكون بالمشعاب يلين به عظامها المحي شربوا دمه ضعيفن وش عاد نبغى بالقحم ودمة مشروبن يالله عقلن يالله . تمسكنت سعدية لين تمكنت وخذت مفرح ينصرم عليه القلب كل بنت تمناه زيناً ونعمة ، الله يسقي يوم كانت مخطوبة لمفرح كنت لاجيت عندكم تستقبلني عند الباب وتحب على رأسي وتجلسني وتحط لي متاكي وتجيب لي عصيرن وتتعيا وش تسوي بي قلت حيا الله ياذ البنت اللي ماشي كماها ، وذلحين مقدر أقول لها شئ تروح تعلم مفرح وتكبر الهروج وولدي الله يعيضنا خير فيه أستغوته الجهنمية ماعد يفكر فينا . لكن علمي بنتك ياحكاية علميها خليها تعقل وتحشم عمها وعمتها وإلا والله أن بنات الناس نعمه وكل واحدة تتمنى مفرح جوزن لها . وتزيد تندم في يوم ماعد ينفع فيه الندم هاها تراني علمتك أنتي وبنتك . أني احبك وأغليك ياحكاية لكن أظن بنتك ودلعها بيفرق بيننا صاخت .
