المشاركة الأصلية كتبت بواسطة بعيثرانه
اخشعتوكم بالله وبمحمد حبيب الله يمه رفعه فديتك فداه ماخرعكم الغبار وشبكم كما الحدادي فالجرين عدوا البيوت ماصادتكم الكتمه والله اني اوحي وسط صدري كما الزربه ماطيق اتنسم حليلينا وكان ابن ادم ضعيف ادنى ماوجعه ومعي كما الغصه في حلقي يومن ماحد منكم جاء عسني بغيت اغدي ماهلا متلثمه بشرشفي وافلحت الى مستشفى الملك فهد الله يصوعهم ويروعهم ذا لا عليهم في شيبه ولا جاهل الشيبان كما حزم القصيل فوق القعايد الواحد زفيره يسمعونه من راس شدا ولاحد قال عليه وإلا وشبك ياشيبه والسفان ضباحهم ويطردونهم من عند الباب يقولون افلحوا مستشفى الاطفال ياخيبت الخيباه الولد يفرفر بين ايدي امه مكتوم وهم يقولون افلحوا مستشفى الاطفال بيموت صابكم الله بمصيبة الغافلين وانا هبولي كسجين والله والله وعلى راس بشار الله يجعل مافيه سببه لبغيت اغدى سبعه بالمستشفى ومن دخله ويعطوني خمس جرعات والله ماكنهم هبولي حاجه واشتل نفسي بنتك يابي وقطع الله ايد الاش وافلح فقيه صدق انهم يخترطون مافي جيبك لكن بهواهم ذاب يلمحون لي ويتفدوني ويتحببون عليه ماغير خفيت من ضحوك الفطس ولو انه ماهو علشان سواد عيوني لكن ماشئ خلاف كل شئ فدى ودفع عني .. شمس ونسيم فديت الارواح والله ان قلبي ابيض من البفت لكن العنز الله يصوعها مرة ترعى فالوادي ومره تدهك الفلج واما المعهد الاشاعه ذاب يتهرج فيه شمس والله انه كُذاب ولا اطيق الاجيكم قهرت في عمري