[عبدالرحمن العمري]

بسم الله وحده ،

عسساكم طيبين إنْ شاء الله

،

،

موقف جرّ موقف جرّ ذكرى ..

طالعين أنآ وياه كل وآحد على موتره ، طلع قبلي بدقايق و طلعت على سيارة إنقلبت قدآمي

أسعفت الرجال و نقلته للمستشفى على موتري ، الحادث كآن عن جنب بيتي ،

يوم وصلت المستشفى لقيت أخوي الي طلع قبلي بأقل من خمس دقآيق في الانعاش

اللهم أرحمهم جميعا ً

،

التسجيل عفوي و بدون تنسيق كالعاده



http://www.alsh3r.com/voice.10720.html







[poem=font="Simplified Arabic,6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

يا صباح الخير يا ذكرى قديمه=ما سلينا عنك يآ ذيك الليالي

الفلك دوّآر و آهوآله عظيمه= من هو الي من بوآر الوقت سالي

كم نديم يبآت في طآري نديمه=و ازمن مآ يآخذ الا كل غآلي

مجلسي ويآك له قدر و حشيمه= كآن عشت إني لَ آوصّي به عيالي

رحمة الله خير من نفسٍ رحيمه=تنقض الميثآق لجلك مآ تبآلي

للفنآ دنيآي مآ للعيش قيمه = وآنت لآ ضقت إعتزيت لك بحلآلي

والله إني فآقدٍ يآخوك شيمه= روّحت من رحت ، مآ بالناس تآلي

القريب إن جآر قال إني غريمه=و إنْ تجمّل مآ نشدني كيف حآلي

ليتهآ في غيرك و روحك سليمه= و النصيب يصيب و آستغفر مقآلي

رآضياً و القلب خلآقـه عليمه= بالقضآ مآ غيره المعبود وآلي

لكن آهوجس و لي نفساً غشيمه=كلّ مآ عدت الحوآدث في خيالي

الشجآع يموت و يعيش البهيمه= لين ينقل في رسآيله العزا لي !!

صرم روحي صرم شبّاً مستقيمه=و العنيد يلفّهآ لفّ الزوآلي

يوم آصيح و عيني تصبّ الهزيمه= وآنكسر وآقوم وأعثر في نعآلي

لآ تروح أخوك من فكّآك ضيمه= مين ، و آعض بْ سنوني في عقآلي

ردّ تكفى ، والله إنْ قلبيْ حطيمه= في ضلوعي تسمعَه ممآ جرى لي

قدّر الله ليْ بضيف بلآ عزيمه=حآدثٍ في مخرج البيت الشمآلي

هو غريب و صآدف بيوتاً كريمه= وآسعِفَه وأثر القدر جا بالتوآلي

أرتكيْ له وآسنِدِه و آمشيْ لزيمه=وآنت فَ الانعاش جنبي مآ طرى لي

شلت همّه مثل ضلع ينوش غيمه= لين شفتِك و الحمِل نوّخ جمآلي

بين أخوي و رجلٍ كسوره أليمه=تنزف و مآله رفيق و لآ مولي

أجبر بْخآطر غريباً في صميمه= كسر مآ يجبر بعَد شآف إحتمآلي

جنبه و عيني فَ الإنعآش الذميمه=وافتحوا بآبـه و طحت من إنذهآلي

ليش غطّوا نور وجهك بالظليمه=وآكشِفه وآسألْك مآ تسمع سؤآلي

وآبعدونيْ عنك نآس بدون شيمه=جعلهم مآ يفرحون بْ قرب غآلي

من خذوك و روّحوا و العين ديمه=والله إنيْ عنك مآ آعيد إنشغآلي

و الغريب إنْ راح وقتي له غنيمه=جعل ربّي يكتب أجره لك بدآليْ

[/poem]