[سعيد الكناني]

[poem=font="Simplified Arabic,6,gray,bold,normal" bkcolor="transparent" bkimage="backgrounds/40.gif" border="double,6,gray" type=1 line=0 align=center use=ex num="0,black""]
جـل امنياتي فــي بـدايــة حياتي=اظفر بـمـا قــد حــال دونـي ودونه
وآحقّق اللي حـالمه فـي سباتي=واسْـعِـد عيوني في مغازل عيونه
واسقي جذور الـود برض ن فلاتي=واجـنـي ثمرها مــن حنايا غصونه
وابـنـي قـصـور ن بالـوفــا طايلاتي=وآســيـّـس إ لْـودّي ثــوابـت ركونه
وودّع ايــام الـشـقـا الـمـعـتـمـاتي=وارسـِم بريـشـة ذوق خلّي ولونه
قمّة هـــرم عــانـق غيوم امنياتي=يبـطـون عذّال الــهــوى يصعدونه
وارسِم زهـــور ن بالــغــلا يانعاتي=من حـولها العـشّاق جـو يقطفونه
وارسِم بـهـا مـا فــات من ذكرياتي=واشـطـب عليها قـبـل تحـيـا طعونه
وآسـمِـّعـه مــن اعـــذب الاغنياتي=قـصيـدةٍ عـذرا مـــن اجْـمـل لحونه
نسجتها مـن جـهـد فـكـري وذاتي=من قــلـب وافـي لـه وروح ن حنونه
واهديه ديـوان ن جـمـع لـي شتاتي=نـثـرت به افـراح قـلـبـي وشجونه
وآعيش انــا ويّــاه بــاقـي حـيـاتي=وجسر(الـوفـا)مابـيـن كوني وكونه

[/poem]

واتمنى للجميع التوفيق والسداد
تقبلوا فائق شكري وتقديري
واعتذر عن قلة
تواجدي