اعذروني لغيابي هالفترة
راح افيدكم بإذن الله بهالرد
انا من النوع اللي احب اعطي صاحب الاختصاص اختصاصة
يعني مو أي وحدة تضبط الحواجب ولا أي وحدة تضبط المكياج ولا أي وحدة تضبط الشعر من تسريحة او صبغة والخ
فاحب ارو حلك وحدة مختصة بشئ يعني تلاقيني بصالون يضبط الحواجب بمكان والمكياج صالون ثاني والصبغة مهمه مو أي احد صبيغ ويضبط لك اللون اللي تبينة وبالشكل اللي تبينة علشان كذا اعطي صاحبة الاختصاص اختصاصة
بالنسبة للشرقية
افضل صالون
شعاع مرة حلو ومكياجهم ناعم
ودار نجد هم حلو بالقص
واللمسة الاخيرة تسريحاتهم وتجهيز العروس عندهم حلو ولكن مكياجهم عيبهم اساسة يتكسر وباهت وكانه طحين
النافع اشهر من نار على علم لصاحبتة مصممة الازياء فوزية النافع التصاميم مميزه عندهم وغاليه حيل لكن شئ يسوى وعندهم حمامات سونا وسكراب للجسم ومساج وقناع طيني
كيلوبترا صالون مميز ورائع بمدينة الخبر وله صور بالنت اعشقة كثير وخاصة قصهم مميز ومرتب وعندهم حمامات سونا حلوه
اشراقة العنود بالدمام / معرف واشهر من نار على علم مكياجهم حق عروس ولكن عيبة ثقيل فانتي تحكمي بالحجم والالوان وطريقة الرسم يعني تخليه ناعم ولبناني وشكلك مرتب ومعقول مو مبالغ فيه
مودا مودا بالخبر احب القص عندهم وحلو
بريمادونا مميز عندهم البدي كير والمناكير
بروفايل يعجبني لانهم الوحيدين اللي يضبطون رسم حواجبي وتشقيرها مره مميزين
لابيل في الخبر العقربيه قصهم حلو
وعندكم مركز ديلايت بالخبر انا عميلة عندهم وكذا مرة جددت اشتراكي طبعا هو بالعقربية مرة متميز وراقي وعندهم المساج والسوانا شئ ثاني
وبالنسبة للساونا احب اعملها بنوادي صحية ومستشفيات افضل 
عندك بمستشفى المانع بالخبر
وفيه مراكز ثانية راح اوافيكم فيها بإذن الله
مركز
تنظيف البشرة وحمامات السونى والمغربي وغيرها اسويها بمراكز طبية او متخصصة او نوادي صحية لانه افضل
وعندكم مركز ديلايت بالخبر انا عميلة عندهم وكذا مرة جددت اشتراكي طبعا هو بالعقربية مرة متميز وراقي وعندهم المساج والسوانا شئ ثاني
وبالنسبة للساونا احب اعملها بنوادي صحية
عندك بمستشفى المانع بالخبر
وفندق المعيبد عندهم ساونا حلو كثير
والسابا في شيرتون الدمام مره حلو تقشير بالاملاح والحمام المغربي
وعندكم دنيا الموضة في الخبر روعه بالتصميم وبالتسريحات و عندهم حمام سونا ومغربي وتنظيفة للبشرة حليو
والمستشفيات بالحمام المغربي اشوفها انظف
زي مستشفى فخري بالسويكت قسم العلاج الطبيعي بالخبر واسعاره حلوه ورمزيه روحي عند فاطمة مغربية وشاطره بهالامور
وعندكم تنظيف البشرة بعيادات اظمن وانظف والادوات معقمه
زي عيادة مد ارث بالخبر شارع الظهران
وعيادة زي عيادة غسانه لكن عليها زحمة بقوه جنب مجمع الواحة في الدمام
طبعا العيادات الطبية لتنظيف البشرة هي الافضل لانه لو حصل مضاعفات لاقدر الله يقدرون يعالجونك
ولا انصح أي وحدة تروح صالونات لتنظيف البشره
وراح اتابع معاكم الموضوع بإذن الله