[فلاح بن منشار]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلمت يالشاعر اللي ماخفى منزله=بين النجوم الزواهر يضوي الماضها
ياللي من الجزل والحكمه بنى المشهله=لوحه يشوق العرب ماها من رياظها
بنى المعاني وشفت ابوابها المقفله= واحترت في بردها واحترت بشياظها
وانا اعشق النقض لافتْلْ العرب مغزله=انقض معاني وعين الصقر باغماظها
ماتفلت الشارده مني تجي مصهله=عقدن من الماس والجوهر على انقاظها
يجيك بالعلم ويصوّر لك المهمله =وكل روحٍ يفيض الوضع بوفاظها
مدحت نفسك وماقلنا سوى نسأله=وشبه يهاوش ويرمي الناس بحياظها
ان كان به شي حنا ياخوي نجهله=بيّن وروس العرب تشهد بما هاظها
وان كان قصدك تدير الملحمه زلزله=تفوح منها ورود وزهر باحواظها
فابشربمن هو على الطرقه يعوف الزله=مايلتفت لو عيون الغيد والحاظها
حنا رسمنا الهوى والعشق لاهل الوله=تصوير راقي خيالي صور ارماظها
رسمتها ابداع بالفرجار والمنقله=حبكة مهندس يروق القلب فضفاظها
والنت معروف حل اللغز به بهلله=قيه الفوائد كرمت وفيه مرحاظها
في قرن خمسة عشر كلن على مخمله=وكل قدرن يفوح ويخرج احماظها[/poem]