[جمعان مفرح (ابو طلال)]

اقتباس: المشاركة الأصلية كتبت بواسطة زهرة الصبار      ياهلا بالنسيم وأحنا بأشتياق لاجابتك ولا أوصيك أرفعي شعار ( ممنوع الرجال ) ولا أقولك هاتيهم وشغليهم شوي طبخ وغسيل وكنس خليهم يذوقون تعبنا شوي ولا ما يجوا أريح لنا

ومن قال لك انا ما نطبخ ونكنس ونغسل . إحنا اللي نجيب الموية ومقاضي البيت ونعبي الاسطوانات ونوديكم المدارس والمستشفيات ونوصلكم البحر والمولات وقصور الأفراح وزيارة أقاربكم ونجيب الفني يصلح أي عطل في الأجهزة ونحمل الأطفال في السوق وانتن ماهلا تتمايلنه بالله من يتعب حنا والا أنتم
أصلا ما حنا رايحين الرحلة إلا نفتك من خدمة زوجاتنا في البيوت لا وقالوا المطالبه بحقوق المرأه المفروض يطالبون بحقوق الرجل ياويتي بنا وانحن مع السواقين الأجانب نتهرج وننتظركنه عند قصور الأفراح إلين الساعة 3 الفجر فيه مره من المرات أتصلت بالعيال قلت خلصتوا نمشي قالوا أبو صالح بعد ما جاء والله لقطعوا ظهري سألت واحد من الأخوان قال هذه قصيدة يغنونها المطربات اسمها أبو صالح سرى ليله وهل الدمع من عينه أقعد تحسس لين تسمعها وإذا سمعتها أدع أهلك واسروا
شكرا على المعلومات وتقبلوا مروري