[جمعان مفرح (ابو طلال)]

مالا تعرفونه عني إني كنت طالع من جدة ومعي اهلي وسقط علي صاحب وايت باكستاني وبغى يصدمني وطردته وعندما وازيته أشرت له يجنِّب ويوم شاف العائلة معي ماوقف وأنا تشجعت ولحقته مرة ثانية وأشرت له يجنب وسبيته ومشى ماوقف وثالث مره وقف والعيال يقولون وجه الله فكك من شره قلت والله إني لآأدبه هذا التعبان المهم يوم وقف على جنب نزلت وسحبت المشعاب من تحت المقعده إلا والباكستاني يوم نزل وأرجوله في الإزفلت وراسه عند سطح الوايت وفي يده ماصورة حديد أكبر من مشعابي يعني مثلي مرتين طول وعرض وخفت منه يكسر عيني قدام النسوان رجعت ركبت في السيارة قلت أعوذ بالله من الشيطان وش نبغي نأخذ فيه ذنب مسكين متغرب عن أهله وأطفاله يترزق الله
المهم ركبت وشردت قالت واحدة من النسوان وهي ميتة ضحك والله ماهي رحمه بالباكستاني وانه ذل منك من ذيك المصيبة مثلك مرتين كان من أول ما وقفت .
ها وجه الله لاحد يدري ما علمت الا انتم. ودخيلكم لايدري شمس عصرا ولا زهرة ولا نسيم والباقين مايهم لو دريو بس تحلفوهم ما يعلمون

شكرا أبو طلال على المعلومات وتقبل مروري