حوار مع اخي الشاعر المبدع محمد عيضه
البدع / محمد عيضه
عليكم الله يستر يااهل ذيك الديار
ان كان ماعد لنا في كثركم منفعة
صح انكم روس الازد انتم ...بكل اقتدار
لكن انا في سعة وانتم بعد في سعة
الرد / خالد رجب
دور لك اهل ووطن في كابل وقندهار
انا وش اعمل برجال يعض اصبعه
وان فاتت الطايره فاركب في اول قطار
من يترك الازد ما اطاوعه وامشي معه
البدع / محمد عيضه
اللي منعني الرحيل امن ورجال المطار
ممنوع لااقرا عن ابعاده ولاموقعه
مانيب حاجز عليك اوكيه والا انتظار
مرت علينا وهي وسط السما مقلعة
الرد / خالد رجب
مايمنع الطايره غير الخلل والغبار
وإلآ بتقلع بمية راكب او باربعه
سافر وخل ارضنا بسهولها والقفار
من يعشق البعد يلقى حتفه ومصرعه
البدع / محمد عيضه
ياخي تدور ثمار ولالقيت الثمار
قلنا لك الصدر خبت وقمت تستزرعة
ياماقلبي يضلي في الهوى لي مسار
في طايرة ماهيب سيارة دردعه
الرد / خالد رجب
ترى الوثايق يابو ثامر بختم وشعار
والديره اللي سقيت بالمطر مربعه
لكن عندك مية سكه ومية خيار
الله يلقيك خير ورحلة ممتعه