[منبع الطيب]

:: الاسئله ::

شي كنت تخاف منه وانت صغير..؟

الكلاب ..
اعوذ بالله منها

هل كنت تخاف من الظلام..؟

لا والله ..
انا ولدت وعشت بالرياض وكنت اروح لاماكن بعيده جدا عن البيت بالليل وكانت الاحياء مظلمه بالسابق ..
والله لما اتذكر مثل هالمواقف استغرب
كيف كنا نروح بدون خوف .. !

تحب تنام والانوار مفتوحه..؟ ليش..؟

طبعاَ لا
بالعكس لا يمكن يجيني النوم وفيه اضاءه بالغرفه ..
حتى لو لمبة جوال

يوم كنت صغير وتخاف لمين كنت تروح..؟ وليش..؟

مشكلتي اذا خفت ما احب ابين لأحد > كفوو والله
كنت اروح اجلس مع العائله او مع اكبر واحد (ما ادريه ليه متخيله اقوى واحد في العالم)
ولا اوضح انه فيه شيء

لو صار وكنت داخل في النوم يعني صاحي ومو صاحي .. وحسيت انو في جسم غريب ظهر قدامك..؟ وش بيكون موقفك..؟

والله كنها حصلت معي اكثر من مره
المره الاولى بالبيت
والمره الثانيه بالبر ..
حسيت بقشعريره ووقف شعر راسي
ومن لحظتها الين انام وانا اقرأ والظاهر اني نمت من التعب والخرعه

وانت بهالعمر تخاف ..؟ بصراحه جاوب..؟

مين فيه انسان ما يخاف
الخوف غريزه بالشخص لا يمكن انكارها ..
الخوف من اشياء ثانيه غير
الجن او الحيوانات ..
اخاف من امور اخرى قد تحدث

تخاف من الجن..؟

هذه بنظري تعتمد على حسب قوة الايمان بقلب الواحد .. يعني الشغله ما هي فتًونه ولا يحزنون ..
متى ما ظن الشخص ان الجن اضعف من الانس وانهم
اقل من ان نعطيهم اكبر من حجمهم
بل هم اذلاء ويتحينون فرص ضعف الفرد
لاستغلاله واللعب به ..

قد قريت قصص عن الجن.؟ وش شعورك وانت تقراها..؟

كثييير والله
واستمتع بتفاصيلها

قد جلست في مكان كنت عارف ان فيه جن..؟

بصراحه نعم ..
فيه احدى السنوات انعزمنا في مزرعه بالخرج
وقضينا فيها يومين خميس وجمعه وكان معنا
صاحب المزرعه
وعند النوم حب ينبهنا ان ممكن نسمع اصوات او
اننا نشوف اشياء غريبه تحصل بفعل الجن
(الله يجزاه خير ما حب يفاجأنا )..
وفعلا البعض نام والبعض قعد الى الصبح
يترقب الاكشن

هل تعترف انك جبان بعض الأوقات ؟

في اوقات محدده فقط نعم
بس ما اسميها جبن اكثر من ان تكون زيادة حرص ..

هل في فرق بين الاشباح والجن..؟

ما تحضرني المعلومه الدقيقه الان بصراحه

تحب تتابع افلام الرعب..؟ او الافلام الوثائقيه عن الاروح وتحضيرها..؟

بالتأكيد تستهويني البعض منها

تحب تخوف اصحابك..؟

ما اذكر بيوم اني قمت بهالدور

مكان مرعب ودك تزوره..؟

فيه مقطع باليوتيوب عن احد المستشفيات المهجور بحي العريجا بالرياض
وصور فيه احد الشباب بعض اللقطات المرعبه
من ما يقال انهم اشباح او جن ..
دائما افكر اني (امر) من جنبمه بس
اما ادخله ما ظنيت لان المقطع كان
اكشن من جد

تحب تخوف الاطفال..؟

لا لا مستحييييل

لو جاك طفل وقال لك انا خايف وكان الجو فعلاا مرعب كيف تتصرف..؟

اهديه شوي واقوله يتعوذ من الشيطان ويقرأ بعض الاذكار والسور
وابين له اهميتها بمثل هالمواقف
هذا اللي اقدر عليه

لو قلنا لك اختار 3 اعضاء خذهم معك لبيت مسكون راح تقضي فيه 4 ايام مين تختار وليش..؟ وايش اول شي تسويه يوم تروح البيت المسكون..؟

امممممممممممم
بختار ..
1- سعد الحبيطه / لانه هاوي مثل هالاجناس
واعتقد فيه صحبه كبيره بين بعضهم البعض
فما اعتقد انهم راح يؤذون اي احد منا اذا شافوا سعد معنا ,,
2- زهرة الصبار / والسبب لو شفنا سعد مو
ذاك الزود في العلاقه معهم وشفناه ما عنده سالفه
ممكن اننا نقدم لهم زهره كفديه لنا ونخلص ..
3- رفيعه الشان / لاني متاكد من انها الوحيده اللي بتخاطر بنفسها عشان البقيه حتى لو مع الجن
والعفاريت .. > قويه البنت هذي لو ما تدرون

هل تحصن نفسك..؟

الحمدلله اغلب الاوقات نعم

اخيرا..
اذكر لنا قصه مرعبه صارت لك .. ؟

اللي تحضرني الان قصة المزرعه اللي ذكرتها بالاعلى

يسلموو سعد موضوعك .. نايس