[سعد الحبيطه]

اقتباس: المشاركة الأصلية كتبت بواسطة نسيم السروات      اسعد الله مسائكم بكل خير... جبت لكم موضوع روعه.. ونغير شوي من مواضيع الاستضافه.. مع شويه تعديل بصراحة موضوع رائع لكنه مرعب وفي نفس الوقت ممتع الله يعطيك العافية سعد دائم مبدع . سوف نطرح الأسئلة والمطلوب الجواب عن يوم مرعب مر فيه.. يالله نبداء.. تفضل : :: الاسئله :: شي كنت تخاف منه وانت صغير..؟ اشياء كثيرة كنت أخاف منها واهمها الظلام كنت اكرهه . هل كنت تخاف من الظلام..؟ نعم وبقوة . تحب تنام والانوار مفتوحه..؟ ليش..؟ يوم كنت صغيرة نعم أحبها لأني أخاف من الظلام . أما الأن أحب انام في الظلام عادي أو ضوء خافت جداَ . يوم كنت صغير وتخاف لمين كنت تروح..؟ وليش..؟ أكيد أروح لأمي وإذا ماكانت أمي موجودة أروح لجدتي . لو صار وكنت داخل في النوم يعني صاحي ومو صاحي .. وحسيت انو في جسم غريب ظهر قدامك..؟ وش بيكون موقفك..؟ هي واحدة من أثنتين يا أما أني اغطي وجهي بالشرشف وأجمد مكاني ماعد أتحرك مع ذكر الله على لساني بقوة وقرأة الإذكار أو أني اصرخ وأحاول الهروب من المكان بسرعة وهذا اللي بيحصل غالباً . وانت بهالعمر تخاف ..؟ بصراحه جاوب..؟ نعم حتى لو كنت كهلة فوق السبعين الشئ اللي يخوف يخوف . تخاف من الجن..؟ عليه مان الله وذكر الله وفيه أحد ما يخاف من الجن . قد قريت قصص عن الجن.؟ وش شعورك وانت تقراها..؟ سمعت قصص كثيرة عن الجن وأحس أني بتراوغ من الخوق وأنا اسمع قد جلست في مكان كنت عارف ان فيه جن..؟ نعم جلست في مكان ولكن ماكنت أدري أن فيه جن إلا بعدين وإليكم القصة : زمان مرة قررت أنا وزوجي أن فينا عين أو حسد مدري على أيش وقررنا الذهاب إلى شيخ يقرأ علينا . وبعدما وصلنا للشيخ بين صلاتي المغرب والعشاء قالوا اليوم للنساء وبكرة للرجال راح زوجي للمسجد اللي جنب بيت الشيخ وأنا دخلت بيت الشيخ في حوش مليان حريم حضروا للقراءة فقالت لي زوجة الشيخ وش تحسين فيه هل أنتي فيك جان أو مسحورة أو ماذا قلت مافيني شئ أبداً بس يمكن فيني حسد قالت الشيخ قد أنتهى من القراء على الحالات البسيطة مثل حالتك بعد صلاة المغرب مباشرة ولكن إذا قلبك جامد ولا تخافين أدخلي مع الحريم اللي حالتهم صعبه وبعد العشاء يقرأ عليك معهم أو تعالي في يوم ثاني قلت في نفسي يمكن زوجي ماعد يجيبني مرة ثانية لازم يقرأ علي الليلة ، المهم طليت على الغرفة اللي فيها حالات صعبه وشفتها مليانه نسوان جالسات هاديات متحجبات مافيهن إلا الملائكة في وسط الغرفة وعلى أطراف الغرفة المرافقات فقلت اجلس مع المرافقات وأسمع القرآن لعل الله ينفعني معهن بصراحة منظر الحريم مريح ومافيهن شئ يخوف وشوي دخل الشيخ وأخذ المكرفون وكان فيه مجموعة حريم من قريباته واقفات لمساعدته , أخذ الشيخ المكرفون وتقدم أمام النساء وأخذ يقرأ وما أن بدأ يقرأ آيات السحر والجان حصل شئ ارعبني كل النسوة اللي كانوا قدامي هاديات قمن يصارخن واللي تضرب بيديها على رأسها واللي تقبع برأسها على الجدار واللي تحاول الهرب والحريم يردونها أنا بصراحة شبكت اصابعي من الخوف وقمت أقرأ وأسمي على نفسي وجتني أخت الشيخ قالت لي فكي يدينك من بعض لا تشبكين بين اصابعك قلت لها طيب طيب وأنا أرتعش وحطيت كل يد من يديني على ركبي وجلست وبعدها ما تحملت الخوف وقلت لها خلاض خلاص بخرج ما فيني شئ وكنت قريبه من الباب قالت لي أقول لك أجلس مافيه خروج حتى الشيخ يخلص حاولت أخرج ورفضت كدت أتجنن من منظر الحريم وهن يصرخن والشيخ كل شوي يأخذ شئ مثل لي الكهرب ويكسره فوق رؤسهن ويطلع منه شرار مما زادني رعب وخوف حسيت ان الغرفه كلها عفاريت وجن يتكلمون على السنه الحريم وفيه واحدة منهن قامت تتهاوع وفرح الشيخ وأشر للحريم يأخذونها ويودونها الحمام طليت من الباب وأنا جالسه شفتها تستفرغ وبعدما خلصت قامت تهلل وتكبر وتحمد الله خرج منها جنيها والشيخ فرحان وبعدما سكت الشيخ قامت كل واحدة تبكي ثم سكتوا جميع وأنا ما صدقت رحت عند الباب برى أحتري زوجي يجي يأخذني وأنا أقول في نفسي توبة ما عد أجي عند شيخ وكانت جنبي حرمة تنتظر زوجها مثلي فجلست أحكي لها وأقول لها شفتي اللي أنا شفته قالت نعم أنا كنت واحدة من اللي كانوا يصارخون قلت لها بسم الله كيف وشلون رجعتي طبيعية قالت أنا فيني سحر كلما حملت مات في بطني وهذه ثالثة مرة وإذا جاء الشيخ يقرا علي أحس بألم في رأسي وكأن بركان بيتفجر في قمة رأسي من قوة السحر فقط أثناء القراءة تتغير حالتي . سبحان وقتها عرفت ان القرآن عظيم وشفاء لكل داء . هل تعترف انك جبان بعض الأوقات ؟ جبانه في بعض الأمور خاصة المخيفة منها ولكني شجاعة في مواقف أخرى . هل في فرق بين الاشباح والجن..؟ الأشباح أوهام أما الجان فحقيقه وهم أمم مثلنا . تحب تتابع افلام الرعب..؟ او الافلام الوثائقيه عن الاروح وتحضيرها..؟ أفلام الرعب ما أحبها ، أما الوثائقية نعم أحبها إذا لم يتخللها تشريح جثث عيني عينك . تحب تخوف اصحابك..؟ لالالا ما أحب هذه الحركة . مرة واحدة سويتها في زوجة عمي وبناتها طفى علينا الكهرب وقمت لبست ترنق الرياضه حق أخوي وتلطمت بالشماغ حق أبوي الله يرحمه ودخلت عليهن بالغرفة وأخذت زوجة عمي الشمعة وقربتها عند وجهي وهي تقول بصوت عالي وخائفه وشنت ياذا المخلوق وبغت تولع الشمعة في شماغ أبوي وكعشتي وأنا ماقدرت اتحمل الموقف ضحكت بقوة وفكيت اللثمة وماتوا عليه من الضحك أنا وشكلي وبعدها قاموا دبغوني لين قلت كان وتبت بعدها . مكان مرعب ودك تزوره..؟ أنا في وجه الله من الأماكن المرعبه . تحب تخوف الاطفال..؟ لا فديتهم ما اخوفهم حرام . لو جاك طفل وقال لك انا خايف وكان الجو فعلاا مرعب كيف تتصرف..؟ اضحك في وجهه وأحسسه بأن مافي شئ يخوف واغير المكان . لو قلنا لك اختار 3 اعضاء خذهم معك لبيت مسكون راح تقضي فيه 4 ايام مين تختار وليش..؟ وايش اول شي تسويه يوم تروح البيت المسكون..؟ تبغاني اسكن في بيت مسكون واربعة أيام بعد ياسعد أمنت بالله . بختار مجوعة يروحون يستمتعون بالمبيت مع عالم الجن وباخليهم هناك وأنا برجع مقدر اتحمل وهم : أبو طلال وشمس عصرا : لأنهم شعار والجن يساعدونهم على إتقان الشعر بكل انواعه سعد الحبيطة : لكي يختار فيسات مرعبه يضعها في تواقيعه وصوره الرمزية كعادته . غلا : لآنها تقول أنها شريرة عشان تخوف الجن وتضاربهم . زهرة الصبار: سمعت أنها تحب الجن وتقول أنهم مخلوقات وليفه وناعمه ورقيقه وحبوبه هل تحصن نفسك..؟ نعم ويوميا صبح ومساء ولله الحمد . اخيرا.. اذكر لنا قصه مرعبه صارت لك .. ؟ بذكر لكم قصة الكلب الذي وقف على قدماه إحتراما وتقديرا لي >>> الله العام وش كان ناوي به عليك قام قلبي يقول طربق طربق يوم تذكرت الموقف . في يوم من الأيام يوم كنت صغيرة يمكن عمري حول ست سنوات لأني باقي مادخلت المدرسة بعد حصل هذ في الديرة . مدري وش اللي لقفني وخرجت من البيت وقت صلات المغرب ونزلت تحت البيوت ما ادري هل أمي باقي في المزرعة وكنت باروح لها أو اني كنت أمشي خلف جدتي وهي نازله السفل عند بقرتها ما أدري وش السالفه نسيت ونزلت من بين البيوت وشرفت على سكة ( طريق معبد) تحت البيوت ولما التفت على يساري شفت ذاك الكلب المصيبه كبر الحمار عمري ما شفت مثله ولما شافني أستقام على حيله وهذا اللي روعني زيادة ولكم تتخيلون وضعي وشكلي وأنا أصارخ واركض قسم بالله أني أحس ان قدماي ماتلمس الأرض من من قوة ركضي وصراخ مو طبيعي كل الناس خرجت اللي من البلكونه واللي من الشبابيك واللي تلقاني يسمي علي وأنا أصارخ ماعرفت أرتد يمه يمه الكلب الكلب وعلق الشريط عندي ساعة وكلما احد سالني بكيت وجا معي كما الخرعة بسم الله عليه وبعدها قهروني يوم قلت لهم قاموا يضحكون كيف الكلب يوقف على رجوله انتي تتخيلين فقط بعضهم ماصدقني وأنا احلف وهم ما يصدقون فقط أمي حبيبتي صدقتني فديتها . سموا بالرحمن ياللي خرعتوا بأقول لكم نكته تنسيكم تو بنتي الأن قرتها علي من جوالها وهي : تقول فيه صعيدي حب يمزح مع زوجته قام قرصها بالزرادية هههههههههههه حسبي الله عليه بغيت أموت ضحك . وتصبحون على خير . ومشكور ياسعد ياحبك في الرعب ومخالطة العفاريت .

مدري وش اقتبس وش أخلي ههههههههههههههههههههههههههههه
أسعدك الله .. والله مشاركـة رائعـة وخاصة الي يقرا على النسوان ويطلع شرار من روسهم ههههههههههههه

سوف أترك التعليقاتــ للأعضاء ..

شاكر ومقدر هذا التواجد ..

( همسه أمس دخلت وحصلتك بالموضوع وخرجت ورحت جبت عشاء وتعشيتـ ورجعت الموضوع وحصلتـك موجوده قلت أكيد هناك مشاركـه دسمـه وطلع ظني في مكانه هههههههههههههههههههه)