[بن حكمان]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ما هي بصعبه لو سقط شخص مغمور=الكايده سقط النشاما والأبطال
ولد الردي من جامع الناس مدحور=واللاش ما ينفعه جاه ولا مال
خل الردي يجلس مع زمرة الزور=اذا غلط قاموا يدقوا له أطبال
عمر الظلام الشين ما يحجب النور=والشمس ما تحجب ورى شبك منخال
والقلب بالايمان والطيب مسرور=ويضيق قلب ممتلي أحقاد اذا شال
و أحذر من اللي من فعايلك مقهور=مبداه عاشق لك وباطنه قتّال
وأصبر على الدنيا وما جاك من جور=لابد من فرجاك لو طال لو طال
ترى في الدنيا حلاوات ومرور=ما كل وقتك طعم مرغوبٍ وحال
باب الذنوب أجنبه وأتركه مسكور=لا تعمره وتصير للباب دخّال
وأعتد مطاليع النشاما بكل دور=ما خاب من بعتاد منزاله العال
وأترك طمع نفسك وبالسوء مأمور=وأسفه كلام الناس في قيل و قال
ماني بمغصوب ولاني بمجبور=كلام فالنيات كم جوّل وصال
للشعر مبدأ والرسالة على الفور=توصل لمن حقق كلام ومرسال
[/poem]