سلام علاكم
كنا سوا الاثنين .....في درب الهوى ماشيين
قلت له اقول ياابو الشباب
انا ابغى اشتري نعال اكرمكم الله
نعالي تقطعت وابغى نوع شكله كشخه ومريح للكراعين
خبرك الزبيريات قطعت كراعيننا
قال بوديك لمكان عندهم شي يصلح لك
رحنا ودخلنا ذاك المحل الكشخه
وقعدنا ندور الين حطيت عيني على وحده
(نعال ) مو شي ثاني
جربتها وشفت مكتوب عليها 180sr
يعني بالعربي 180س ر
قعدت اكاسر والمصري يقول يابيه
دي اسعار محدده ما نأدرشي نفاصل فيها
المهم ساعه مع المصري لين اخذتها 150
والبسها عنده في المحل واخذ القديمة في الكيس (تحسبا للطواري)
المهم ما رقدت ذاك اليوم من الفرحة حتى اخذتها معي غرفة النوم
.
من بكره (يعني اليوم الثاني) كان يوم جمعه
رحت لصلاة الجمعه انا وخويي
واسفط نعالي الجديدة في مكان استراتيجي عشان ما احد يدوس عليها (يا ذكي)
خبركم تروح بها لون ترجع بلون ثاني
.
صلينا وطلعت بسرعة عشان الحق النعال لا احد يجيها
واروح لمكان النعال الاستراتيجي
وكانت المصيبة ؟؟؟؟؟؟؟؟؟؟؟
ما لقيتها !!!!!!!!!
وادور بين النعول
ما اشوف الا كراعين اشكال والوان
ونعول تتشوت من هنا وهناك وكل واحد يدور الفرده الثانيه
انتظرت لين راحوا العالم
قطعت كراعيني حرارة الاسفلت في صيف الرياض
وانتظر وانتظر
الين ما بقى احد
ولا لقيت النعال (يلعن ام الحظ)
قلت خلاص راحت خلنا ندور نعال اللي اخذها
يمكن الرجال لبسها ولا انتبه
صدقوني ما لقيت ولا نعال ولا شبشب
ما غير فردة كندره من ايام الدوله العثمانيه في واحد من الدروج
.
كملت طريقي حافيا على الاسفلت الين وصلت السيارة (قطع قلبي هالمقطع)
وخويي يضحك علي
رجعت البيت واستعدت القديمة حقت الطواري
وبعد العصر رحت لمحل باكستاني في شارع صغير
اشتريت نعال جديده ب10 ريال وليس sr
ومن يومها خليت القديمة اذا رحت المسجد والجديدة للمناسبات
.
قصه حقيقية حدثت لي ولا يروح فكركم بعيد
والله انها حاصله في احد الاحياء الراقية بالرياض
.
س ل ا م