السلاام عليكم ورحمة الله وبركاته
اسعد الله اوقاتكم بكل خير ومسره ..
اول قصيده لي اشارك بها في هذا الصرح الشامخ ..
ووكلي امل ان تنآل على رضآكم وان تصل إلى ذآئقتكم الشعريه ..:
بين جرح وبين هم وبين ضيم
بين يمكن بين لن وبين لـم
ماتنام العين..يالليل العتيم
اسهرك حسره وضيقات و وهم
ابغضك لاصار بك ريحـ(ن) وغيم
بك تذكرت العزيز الي ظلم
ياعزيز(ن) كان جرحك لي ألـيم
اشكرك ..علمتني معنى الالم
من كلامك مابقى جرحـ(ن) سليم
مابقى في داخلي جرحـ(ن) سلم
ارتمي يمك واشوف انك نعيم
اعتبرتك عندي من اغلى النعم
اخرتها صرت بعيونك سقيم؟!
انت تدري ؟ويش هو يعني سقم؟!
أثر فعلك يقصد افهم يافهيم
ناوي الفرقى وقلبي ما فهم
جيت لك خايف من الليل الظليم
قلت لك أبعد؟ وجاوبتي نعم
ياخساره ماهقيت اني لئيم
ياخساره فيك ضيعت العشم
مير تدري؟ أبتعد والله كريم
مابقى للعذر في بنكي سهم
مابقى لـ الصبر خانه يالحليم
اشكرك يالصبر فيني يالشهم
مابقى فيها طبيب ولا حكيم
اعتقد ماعاد ينفعنا حكم
بسهرك ضحكات يالليل العتيم
وانسى جرحي والاماني والوهم