[صالح بن فارس]

بسم الله الرحمن الرحيم

حدث بيني وبين أحدهم مناوشات فشكك في شاعريتي ونافق وجادل وخرج عن الواقع فكان هذا الرد المتواضع تجاهه وتجاه كل منافقي هذا العصر ...

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
جاب فاسه لجل يثبت للبشر إنه شديد = قام يضرب فيه صخر ٍ بنّط برجله وكسر
ياخي وش لك والمعابط خلك بحدك بعيد = دام ما تقوى صعاب وساعدك زنده حسر
واحد ٍ مثلك لطخته وجاب في صفه عبيد = طفل مستنجد ببوه وطق من طقه وسَر
أسد غابه ما نهاب الموت وإن مات الشهيد = نغبطه في وسط قبره مانقول إنه خسر
نورد المورد بدينا ننهش ونعطي ويزيد = والجيف تبقى محطة لجل غربان ونسر
نرتقي صوب المعالي ما أبد عنها نحيد = قولت الواحد تجلجل وإن حكاها ما أسر
يا يهود الله خذلكم والقديم أصله جديد = جاكم اللي ما يهاب وعزمه وصوفه جِسَر
لكن إنته يالمنافق قلتها وأصرخ وأعيد = ضرك أكثر من يهودي يضرب بكف ٍعسر
بن سلول أسقاك كاسه علقم ٍ طعمه صديد = قيدك وأصبحت عبده ثم قادك وأتسر
خل فاسك لا تحاول تنطح الصخر الشديد = ما يكفي ساق رجلك سال دمه وانكسر[/poem]


وبعد كر وفر معه وهو لا يعلم من أكون شكك في شخصي فكان الرد عليه وكانت بمثابة ( نهاية العلاج الكي ) له ولمن وقف بجانبه وهي عبارة عن قصيدتين في موضوع واحد الأولى توضح مدى ردائة شعره ـ أظنها واضحة ـ والثانية تفاخرا بنسبي وتوضيحا لمن سانده بكلمة زور :

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
ساير ٍ والكون من دوني تمنى = تمطر حروفي على حفنة تراب
يوم غيري وسط قيفانه تثنى = خانه احروفه وغرره السباب
شاخة القيفان في وسطه وعنى = ثم رد الكلمة بنفس الخطاب
انكشف زيفه وبعد إفراد ثنى = صار يمشي تايه ٍ فيه اكتئاب
كم عصبت الراس يوم غيري تحنى = جاب طقاقينه وسوى خضاب
ما حسبت حساب ياللي بي تجنى = جيتني بالصبح وأعلنت الغياب
وبعد ليله جيت تكتب لي وتغنى = ينكشف حال الذليله في الصعاب
خل كل منصف يحل اللغز عنا = (يوم .. يشبه ثانيه وقت المصاب ؟!!)
والله إن تبطي ولا فالك تهنى = بطيحة الكوكب على عشة خراب
قم ترى بي واقع ٍ فوق التمنى = والسحب ما همها نبح الكلاب[/poem]


[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
ما ني بعّد حروف وأتجاهل أرقام = والقاف ما بحكيه لو به رَدائه
الكثرة تغلب عند الأمثال مقدام = وكثير جيش ٍ عند مثلي غثائه
أقرا وفكري يكتشف كل هدام = ما همه إلا كيف يملا وعائه
البادي أظلم وإنت تشهد لظلام = ( شاهد حصيني ) جا يرد إدعائه
شعري بلا سب ٍ ولا شتم سمام = وإنته سبابك ناضح ٍ من إنائه
بالصبح جيت وقلت للوعد قدام = رديت قبل الليل يبدا بجلائه
المضحك المبكي سواليف نمام = قال ابثواني جاك رد الطراءه
والحق .. غطى لجل يغفى ولا نام = ثم جاك يكتب ما تكفكف بكائه
يا سائل ٍ عني ترى جاك علاّم = ما خاف من ردك ولا من هجائه
آنا كريم الأصل من عصر همام = فيني من الحاضر وثوق وجرائه
منا صحابه كثر وملوك وأعلام = إسم ٍ في التاريخ عالي سمائه
الحق عليّه كان صديت بإحجام = خليت شعري سامي ٍ في فضائه
وأهديت للجاهل بعد جهله سلام = لكن أبحسب غلطتي فوق مائه[/poem]


وسلامتكم ؛؛

** للتوضيح الأمر حدث في منتدى آخر تماما والشويعر الآخر إلى الآن مفقود منذ أكثر من أسبوع هو ومن سانده ، وأظنه إنتصار ولله الحمد .